Jambyl oblysy Baizaq aýdanyndaǵy áskeri qoimada bolǵan jarylysqa bailanysty sol aimaqqa barǵan Qazaqstan Qorǵanys ministri Nurlan Ermekbaev qyzmetinen ketý jóninde joǵary basshylyqqa málimdeme jasaitynyn aitty, dep habarlaidy "Azattyq" radiosy.
Keshe, 26 tamyzda keshke qarai Jambyl oblysy Baizaq aýdanyndaǵy áskeri qoimada bolǵan jarylystan soń áleýmettik jelilerde túrli boljamdar men bastamalar kóbeigen. Sonyń ishinde Qorǵanys ministri Nurlan Ermekbaev qyzmetinen ketýi kerek degen pikirler bar edi.
Búgin tańerteń jýrnalisterge brifing ótkizip ketip bara jatqan qorǵanys ministriney Azattyq tilshisi Manas Qaiyrtaiuly otstavkaǵa ketý jónindegi pikirlerge qalai qaraitynyn surady.
- Qazirgi basty maqsatym apat saldaryn joiý. Osy habardy estigennen keiin birinshi minýtta "otstavka suraimyn" degen sheshim qabyldaǵanmyn. Qalǵanyn joǵary basshylyq sheshedi,- dedi Qorǵanys ministri Nurlan Ermekbaev.
Nurlan Ermekbaevtyń sózinshe, áskeri qoimada jarylǵan oq-dáriler osydan eki jyl buryn Arys qalasynan ákelingen.
2019 jyly 24 maýsymynda Arystaǵy áskeri oq-dári qoimasy jarylyp, tórt adam qaza tapqan edi. Jarylys bolǵan kúni myńdaǵyn úi zaqymdanyp, Arystyń 40 myńnan astam turǵyny Shymkent qalasy men tóńiregindegi eldimekenderge evakýatsiialanǵan.
Biyl 26 shildede Shymkent qalasyndaǵy áskeri bólimde Túrkistan oblysy Arys qalasyndaǵy áskeri qoimadaǵy jarylysqa qatysty aiyptalǵan 16 adam sottalǵan edi.
Qazaqstan prezidenti Qasym-Jomart Toqaev Arystaǵy jarylysqa bailanysty Qorǵanys ministri Nurlan Ermekbaevqa qatań sógis jariialap, áskeri qoimadaǵy oq-dárilerdi eldimekender tóńireginen alyp ketý jóninde tapsyrma bergen.
