Qorǵanys ministri Nurlan Ermekbaev Mańǵystaý oblysyna jumys saparymen bardy, dep habarlaidy "Ult aqparat" vedomstvonyń baspasóz qyzmetine silteme jasap.
Áýe keńistigin qorǵaý qyzmetin atqarý barysyn tekserip, teńiz jaiaý áskerleriniń, Arnaiy operatsiialar kúshteri bólimsheleriniń jáne áskeri teńizshilerdiń jaýyngerlik daiarlyǵy ótetin oqý-jattyǵý alańdary men poligondaryn aralady.
Aqtaý áýe bazasynda Áýe qorǵanysy kúshteriniń bas qolbasshysy maidan aviatsiiasy joiǵyshtarynyń kezekshilik atqarý tártibi, infraqurylymnyń jai-kúii men áskeri bólimdegi obektilerdiń kúzeti jóninde baiandady.
Qorǵanys vedomstvosynyń basshysy poligondarda baǵynysty áskerlerdiń jaýyngerlik oqýyn uiymdastyrýǵa jaýapty laýazymdy tulǵalardy tyńdady. Qorǵanys ministri sońǵy ýaqyttaǵy qarýly qaqtyǵystardyń tájiribesin eskere otyryp, engizilip jatqan jańa is-qimyldyń tásilderi men taktikalyq ádisteriniń sapasyn tekserdi.
Sondai-aq joǵary qarqynda jeke quramdy 100% sabaqtarmen qamtýdy jáne jaýyngerlik daiarlyq úrdisin úzdiksiz qamtamasyz etýdi tapsyrdy.
