Qazaqstandyq armiia júieli túrde jetildirilýde. Jambyl oblysyndaǵy «Mátibulaq» poligonynda Armiialyq halyqaralyq oiyndarynyń «ArHO – 2021» ashylý saltanatynda Qorǵanys ministri Nurlan Ermekbaev osylai dedi, - dep habarlaidy «Ult aqparat».
Biyl jetinshi ret ótkizilip otyrǵan Armiialyq halyqaralyq oiyndar jyl ótken saiyn tanymaldylyǵy men mańyzy artyp, qatysýǵa niet bildirýshiler de kóbeiýde. Onyń birden bir dáleli - Jambyl oblysyndaǵy «Mátibulaq» poligonynda ótetin Armiialyq halyqaralyq oiyndar «ArHO – 2021» konkýrstary saltanatty túrde ashyldy.
Atalǵan konkýrsqa qatysýǵa arnaiy kelgen Qazaqstan Respýblikasynyń Qorǵanys ministri Nurlan Ermekbaev saiysqa qatysýshylarǵa sáttilik tilep, Armiialyq halyqaralyq oiyndardy ótkizý aýqymy iri álemdik birinshilikpen bir deńgeide ekenin atap ótti.
«Kez kelgen áskeri maman biletindei, Armiialyq oiyndardaǵy saiystar – bul nysanany zaqymdaýda dáldik pen mergendikti, ártúrli qarýdy meńgerýde sheberlikti, minsiz dene daiyndyǵy men tózimdilikti, áskeri tehnikany basqarýdaǵy senimdi daǵdylardy kórsetý. Armiia oiyndary áskeri qyzmetshilerdi beitanys jerde, psihoemotsionaldyq shielenis jaǵdaiynda áreket etýge májbúrleýmen de qyzyqty, – dedi Qorǵanys ministri Nurlan Ermekbaev.
Al QR QK Bas shtaby Jaýyngerlik daiarlyq departamentiniń bastyǵy general-maior Dáýlet Ospanovtyń aitýynsha, Armiialyq halyqaralyq oiyndar – bul áskerlerdiń jaýyngerlik daiarlyq nysany. Ol tek kúrdelendirilgen jaǵdaida saiysý formatynda, adamnyń kóńil-kúii joǵary psihologiialyq-emotsiialyq qobaljyǵan jaǵdaida ótkiziledi.
«Jaýyngerlik daiarlyq boiynsha sabaqtar sheńberinde jyl boiy ótkiziletin oiyndarǵa daiarlyq barysynda áskeri qyzmetshiler is-qimyldyń jańa amal-tásilin, aila-amalyn meńgeredi. Ony avtomatty túrde oryndaýǵa daiyn bolady.Mysaly, tank biatlonynda tankister qalai áreket etetinin qarańyz. Olar birneshe sekýnd ishinde tankige otyrýdy oryndaidy, oq-dárilerdi qalai tez ári sheber júkteidi. Mehanik-júrgizýshi jaýyngerlik mashinany qalai sheber basqarady jáne zeńbirekshi-operator men tank komandiri nysanaǵa qalai dál tigizedi», - dedi Dáýlet Ospanov.
Aita keteiik, Armiialyq halyqaralyq oiyndar biyl jetinshi ret uiymdastyrylyp otyr. Osy ýaqyt ishinde saiysqa qatysýshy elderdiń sany jyl saiyn artyp otyr. Al konkýrstyń barlyq kezeńi qazirgi zamanǵy shynaiy urys jaǵdaiyna barynsha jaqyndatylǵan. Ministrdiń aitýynsha, jaýyngerlik mashyqty arttyrý árbir áskeri mamannyń mindeti bolyp tabylady. Sonymen qatar, ministr áskeri qyzmetshiler oqý-jattyǵý poligondarynda naqty jáne úilesimdi áreket etse, onda olardyń keminde 80%-i jaýyngerlik jaǵdaida da dál osylai áreket etetinin óz isin jete meńgergen kásibi áskeriler jaqsy biletinin de atap ótti.
Biyl Jambyl oblysyndaǵy 40-ynshy áskeri bazanyń aýmaǵynda armiialyq oiyndardyń 2 konkýrsy – minaatqyshtar eseptoptary arasyndaǵy «Artilleriiadan oq atý sheberi» jáne UUA mamandarynyń «Suńqar ańshylyǵy» saiystary ótedi. Oiyndarǵa qatysý úshin «Mátibulaq» poligonyna 8 elden artillerister jáne 4 memleket armiiasynan ushqyshsyz ushý apparattarynyń eseptoptary keldi. Konkýrstarǵa 3 elden kelgen ókilder baqylaýshy retinde qatysady.
Osy oraida, áskeri mamandardyń qýanyshyn bólisken ministr áskeri qyzmetshilerdiń urys dalasynda emes, sport saiystarynda kúsh synasýy progressivti jol ekenin eskertti.
«Qazaqstandyq armiia eldiń egemendigi men qaýipsizdigin qorǵaýǵa qabiletti dep nyq senimmen aita alamyn. Agressordyń áleýeti óte qýatty, zamanaýi áskeri bolǵannyń ózinde, túrli turaqty emes áskerilendirilgen quramalardy aitpaǵanda, kem degende aiqyn, aýyr asimmetriialyq soqqy berýge qabilettimiz. Daiarlyqty joǵary deńgeide ustaý úshin udaiy jattyǵamyz. Ári qazaqstandyq armiia júieli túrde jetildirilýde, – dedi general-leitenant Nurlan Ermekbaev.
Sonymen qatar, Qorǵanys vedomstvosyndaǵy kezekti apparattyq keńeste jaýyngerlik daiarlyq, áskeri bilim berý jáne zań shyǵarý qyzmetine qatysty máseleler qaralǵan bolatyn. Keńeste áskerlerdiń jaýyngerlik oqý-jattyǵý barysy talqylandy. Josparǵa sáikes vzvodtardy daiarlaý jáne batalondarmen baqylaý taktikalyq-saptyq sabaqtar ótkizilýde. Aldaǵy aptada jeke quramdy biryńǵai oqytyp-úiretý jáne baǵalaý ádistemesin ázirleý úshin vzvodtardyń jaýyngerlik oq atýyn uiymdastyrý boiynsha nusqaý berý-ádistemelik sabaqtar jappai ótkiziledi. Armiialyq halyqaralyq oiyndarǵa qazaqstandyq komandalardy daiarlaý aiaqtalǵany týraly baiandaldy. Saiystar nátijesinde «ArHO – 2021» oiyndarynyń 11 konkýrsynda Qazaqstan Qarýly Kúshteriniń namysyn qorǵaityn úzdik áskeri qyzmetshiler iriktelip alyndy. Búgin olarmen qajetti sanitariialyq-epidemiologiialyq is-sharalar uiymdastyryldy. Komandalar áskeri-kólik aviatsiiasynyń ushaǵymen oiyndar ótkiziletin oryndarǵa jetkiziletin bolady. Jalpy, alda bolatyn Oiyndarda áskeri qyzmetshilerimiz 34 konkýrstyń 11-ine qatysady. Al, 2 konkýrs, atap aitqanda «Artilleriiadan oq atý sheberi» jáne «Suńqar ańshylyǵy» Qazaqstan aýmaǵynda ótedi. Sonymen, 22 tamyz – 4 qyrkúiek kezeńinde ótse, el aýmaǵynda ótip jatqan Armiialyq halyqaralyq oiyndar aǵymdaǵy jylǵy 2 qyrkúiekke deiin jalǵasady.
Esterińizge sala keteiik, Biyl jetinshi ret ótkizilip otyrǵan Armiialyq halyqaralyq oiyndar jyl ótken saiyn tanymaldylyǵy men mańyzy artyp, qatysýǵa niet bildirýshiler de kóbeiýde. Onyń birden bir dáleli - Jambyl oblysyndaǵy «Mátibulaq» poligonynda ótetin Armiialyq halyqaralyq oiyndar «ArHO – 2021» konkýrstary saltanatty túrde ashyldy. Atalǵan konkýrsqa qatysýǵa arnaiy kelgen Qazaqstan Respýblikasynyń Qorǵanys ministri Nurlan Ermekbaev saiysqa qatysýshylarǵa sáttilik tilep, Armiialyq halyqaralyq oiyndardy ótkizý aýqymy iri álemdik birinshilikpen bir deńgeide ekenin atap ótti.
