Elimizdiń Qorǵanys ministri Murat Bektanov AQSh Ortalyq komitetiniń qolbasshysy, general Kennet Makkenzidi qabyldady, - dep habarlaidy "Ult aqparat" Qorǵanys ministrligi málimetine silteme jasap.
Kezdesý Nur-Sultan qalasynda ótken. Vndomstvo málimetinshe, taraptar Aýǵanstandaǵy jaǵdai men óńirlik qaýipsizdikti, sondai-aq Qazaqstan men AQSh arasyndaǵy halyqaralyq áskeri yntymaqtastyqty, onyń ishinde bitimgershilik qyzmet sheńberindegi máselelerdi talqylaǵan.
Kennet Makkenzi CENTCOM basshylyǵyna 2019 jyldyń naýryzynda taǵaiyndalǵan. Amerikalyq general buryn Aýǵanstanda qyzmet etken, sondai-aq teńiz korpýsynda basshy jáne Pentagondaǵy shtab basshylarynyń Birikken komiteti tóraǵasy bolǵan.
AQSh Ortalyq qolbasshylyǵy (aǵylsh. United States Central Command; USCENTCOM nemese CENTCOM) - Orta Shyǵys, Shyǵys Afrika jáne Ortalyq Aziia óńirlerinde áskeri is-qimyldar bolǵan jaǵdaida amerikalyq ásker operatsiialaryn josparlaýǵa jáne basqarýǵa jaýap beretin AQSh Qarýly kúshteri quramyndaǵy biryńǵai qolbasshylyq.
