Koreia Respýblikasynyń Qazaqstandaǵy Elshisi Ký Hong-sok COVID-19 indetimen kúreste vaktsinalaýdyń mańyzy týraly aityp berdi, dep habarlaidy QazAqparat.
«Búginde koronavirýs indetimen Ońtústik Koreia nemese Qazaqstan ǵana emes, búkil álem elderi bolyp kúresip jatyr. Onyń ishinde Ońtústik Koreia virýspen kúresýdi jedel qolǵa alǵan aldyńǵy qatarly elderdiń biri. Qazir bizdiń elde vaktsinatsiia qarqyndy júrip jatyr, halqymyz 50 mln adamdy quraidy. Búginde elimiz indettiń taralýyn boldyrmaý, toqtatý maqsatynda 150 mln doza vaktsina ázirledi, bul degenimiz halyq sanynan 3 esege artyq», - dedi Ký Hong-sok.
Odan ári, elshi indetpen kúreste vaktsina alýdyń mańyzdy ekenin alǵa tartty.
«QR Prezidenti Qasym-Jomart Toqaev jáne QR Densaýlyq saqtaý ministri Aleksei Tsoi myrza únemi óz sózderinde COVID-19-dy jeńý jáne onyń aldyn alýda vaktsina alýdyń erekshe rólin atap ótedi. Men de vaktsinany qoldap, ol kisilerdiń sózimen tolyqtai kelisemin. Men otbasymmen jáne elshilik qyzmetkerleri Qazaqstanda koronavirýsqa qarsy vaktsinany alǵashqylardyń biri bolyp aldyq. Biz sol úshin alǵys bildiremiz. Osy oraida Qazaqstan halqynyń basym bóligi ekpe alyp, qalypty ómirge sátti oralýymyzdy tileimin», - dedi ol.
