Foto: © Pixabay / manseok Kim
Ońtústik Koreiada deportatsiiaǵa arnalǵan ushaqqa otyrmai qashyp ketken eki qazaqstandyqtyń isi boiynsha alǵashqy sot otyrysy mamyrdyń ortasynda ótedi. Bul týraly Syrtqy ister ministrliginiń resmi ókili Aibek Smadiiarov málimdedi, dep habarlaidy Sputnik Qazaqstan.
Ol Qazaqstan konsýly Koreiadaǵy azamattarmen kezdeskenin aitty.
"Olardyń jaǵdaiy jaqsy. Ýaqytsha qamaý izoliatorynda ustaýǵa qatysty shaǵymy joq. Prokýratýra isti sotqa tapsyrdy. Birinshi sot tyńdaýy mamyr aiynyń ortasynda ótedi. Sizder bilesizder, bul jigitterge aýyr aiyp taǵylyp otyr. Sol sebepti sottyń sheshimin kútemiz. Olardyń memlekettik advokaty bar. Biz týystarymen bailanystamyz. Jumys júrip jatyr", - dedi Smadiiarov apta saiynǵy brifingte.
Sondai-aq SIM resmi ókiliniń aqparatynsha, 26 sáýirde Seýlde Qazaqstan men Koreia syrtqy saiasi vedomstvolary arasynda konsýldyq konsýltatsiialardyń 7-shi raýndy ótedi.
"Bul jiynda Ońtústik Koreiadaǵy Qazaqstan azamattarynyń quqyqtary men múddelerin qorǵaý, sonyń ishinde bizdiń azamattarymyz úshin eńbek ruqsaty júiesin qurý máselelerin talqylaý josparlanýda. Taraptar sondai-aq Qazaqstan Úkimeti men Koreia Úkimeti arasyndaǵy Qazaqstan azamattary bolyp tabylatyn eńbekshi-migranttardyń eńbek qyzmeti jáne olardyń quqyǵyn qorǵaý týraly kelisim jobasyn qaraidy", - deidi Smadiiarov.
Eske salsaq, ótken aida Ońtústik Koreiada deportatsiialyq reisti kútip otyrǵan 18 jáne 21 jastaǵy eki qazaqstandyq qashyp ketti. Olar Koreiaǵa 24 naýryzda Tashkent qalasynan "Koreana" áýe kompaniiasynyń reisimen ushyp barǵan. Qazaqstannyń eki azamatyna Koreia Respýblikasyna kirýge ruqsat berilmegen.
Sol sebepti olar avtobýstyń terezesinen shyǵyp, tikendi sym tartylǵan qorshaýdan sekirip ketken. Bireýi ustaldy. Al ekinshisi qashyp ketken.
Izdeýde júrgen ekinshi qazaqstandyq týraly aqparat úshin 30 million von (10 million teńgeden astam) aqshalai syiaqy da taǵaiyndaldy. Alaida otandasymyz úsh kúnnen keiin politsiiaǵa óz erkimen bardy.
