Ońtústik Koreiada bala qaqqan Qazaqstan azamaty qorǵaýshysyn aýystyratyn boldy.
Bul týraly elimizdiń Syrtqy ister ministrliginiń ókilderi habarlady.
Endi otandasymyz korei tarapy usynǵan memlekettik qorǵaýshynyń ornyna jekemenshik advokatty jaldamaq.
Aita ketken jón, qyrkúiekte Ońtústik Koreiaǵa zańsyz jumys isteýge barǵan qazaqstandyq kólikpen bala qaqqan bolatyn. Artynan oqiǵa ornynan izin sýytyp, Qazaqstanǵa ketip qalǵan. Biraq keiinnen keri qaitqan.
Buǵan deiin 20 jastaǵy otandasymyz 5 jylǵa deiin bas bostandyǵynan aiyrylýy múmkin degen aqparat paida boldy.
"Qazirgi tańda tergeý júrýde. Tergeý aiaqtalǵannan keiin tolyq aqparat beriledi. Árine bizdiń konsýl onyń bárin qadaǵalap otyr. bizdiń azamatqa birneshe ret baryp qaitty. Ustaý jaǵdaiyna, tergeý júrgizý tásilderine eshqandai shaǵymdanǵan joq", -deidi QR SIM baspasóz hatshysy Aibek Smadiiarov.
