Jambyl oblysy Qordai aýdanynyń eki turǵynynan bir keliden astam geroin tabyldy.
Politseiler asa iri kólemdegi esirtki zatyn satýshylardy ustady. Bul týraly oblystyq PD baspasóz qyzmeti habarlady.
«25 aqpan kúni arnaiy jedel-izdestirý is-sharalary barysynda Jambyl oblysy PD Esirtki qylmysyna qarsy is-qimyl basqarmasynyń qyzmetkerleri Qordai aýdanynyń 45 jáne 42 jastaǵy eki turǵynynyń turǵylyqty mekenjaiyna tintý jumystaryn júrgizdi. Polietilendi qaltashaǵa salynǵan esirtki zaty kúdiktilerdiń biriniń úiinen, ekinshisiniń jazǵy as úiinen tabyldy», - delingen vedomstvo habarlamasynda.
Sot-himiialyq saraptamasynyń aktisine sáikes, tárkilengen zat geroin ekendigi anyqtalǵan. Esirtkiniń bul aýyr túriniń jalpy salmaǵy bir keliden asady.
Qazirgi ýaqytta atalǵan derekke qatysty QR QK-niń 297-baby 3-bóligimen sotqa deiingi tergeý amaldary júrgizilýde. Kúdiktiler ýaqytsha ustaý oqshaýlaǵyshyna qamaldy.
