QR Úkimet basshysynyń orynbasary Berdibek Saparbaev Qyrǵyzstanmen shekarada bolyp, qordailyqtarmen kezdesti, dep habarlaidy QazAqparat.
Qordai aýylyndaǵy qazaq-qyrǵyz shekarasyna kelgen Berdibek Saparbaev shekaradan óteiin dep turǵan adamdarǵa úilerine qaitýdy usyndy.
«Kesheden beri osynda jumys istep jatyrmyz. Prezidenttiń bergen tapsyrmasy bar, ol - osynda tártip pen tynyshtyq ornatý. Túni boiy osynda boldyq, bári tynysh. Sondyqtan úilerińizge qaitqandaryńyz jón. Endi bári durys bolady. Biz búgin de, erteń de osynda jumys isteimiz. Politsiia da osynda. Bárin qalpyna keltiremiz. Kim kináli ekenin anyqtap, olardy jaýapqa tartamyz. Sol úshin úilerińizge qaityńyzdar, balalar sabaǵynan qalmasyn. Osynda tirshilikti ári qarai jalǵastyra beresizder. Kelgen shyǵyn eseptelip, óteledi», - dedi QR Premer-ministriniń orynbasary shekarada turǵan kópshilikke.
Onyń aitýynsha, Qordai aýyldaryndaǵy tirshilik qaitadan burynǵy qalpyna túsedi, sondai-aq, qaýipsizdik úshin de alańdamaýǵa bolady.
