Qordai aýdanyndaǵy jappai tóbeles kezinde ustalǵan 47 adamnyń barlyǵy bosatyldy, dep habarlaidy «Habar 24».
Búgin Premer-ministrdiń orynbasary Berdibek Saparbaev Jambyl oblysyna shuǵyl jetti. Memleket basshysy Qasym-Jomart Toqaevtyń tapsyrmasyna sai, Úkimettik komissiiany bastap barǵan vitse-premer, óńir basshysymen birge alǵashqy brifing ótkizdi.
Keshe 7 qańtar kúni keshki saǵat alty jarym shamasynda Qarakemer men irgeles jatqan Masanchi aýyly turǵyndary arasynda qaqtyǵys oryn aldy. Taiaq-taspen qarýlanǵan búlikshiler úilerdiń terezesin syndyryp, kólikter men dúkenderdi órtei bastady.
Búlik saldarynan 8 adam qaza tapty. 123 adam meditsinalyq kómekke júgindi. Onyń ishinde 39-y oq jaraqatyn alǵan.
Taǵy 43 adam aýrýhanada em qabyldap jatyr. Jeteýi - jansaqtaý bóliminde. 13 adam týysqandarynyń kómegimen kórshi qyrǵyz elindegi Toqmaq aýrýhanasyna jetkizildi.
Oqiǵa ornynda 14 jedel járdem brigadasy men 39 dáriger meditsinalyq kómek kórsetip jatyr. 19 arnaiy tehnika, 12 órt sóndirý kóligi men tótenshe jaǵdailar departamentiniń 80 qyzmetkeri jumyldyryldy.
«Bir Allaǵa shúkirshilik aitamyn. Beibitshilikti tý etken osyndai elde turyp jatqanymyz úshin Úkimetke alǵysymyzdy bildiremiz. Jerlester, eshqandai arańdatýshylyqqa jol bermeńder. San jyldar boiy tatý-tátti ómir súrip keldik. Sanaýly adamdardyń turmystyq sipattaǵy máselesine bola, kúlli eldiń mazasyn aldyq. Bizdiń, aqsaqaldardyń da qateligi baryn jasyrmaimyz. Qariialar jastar arasynda túsindirý jumystaryn jii júrgizip otyrý kerek», - deidi Sortóbe aýyly ardagerler keńesiniń tóraǵasy Ismar Vointse.
Osylaisha, Úkimet komissiiasynyń birinshi tapsyrmasy – búliktiń bastalý sebebin anyqtaý. Ekinshiden, áleýmettik-ekonomikalyq jáne gýmanitarlyq sipattaǵy kómek kórsetý sharalaryn qolǵa alý. Úshinshiden, jergilikti ákimdikpen birlese, qaza tapqandardyń jerleý rásimin uiymdastyrýy qajet .
Zardap shekkenderge meditsinalyq kómek kórsetip, olardyń materialdyq shyǵynyn óteýi shart. Memleket basshysy Qasym-Jomart Toqaev búgin Aqordada ótken shuǵyl jinalysta Úkimet komissiiasyna osyndai tapsyrma berdi.
