Jambyl oblysy Qordai aýdanyndaǵy tártipsizdikten 19 politsiia qyzmetkeri jaraqat aldy, dep habarlaidy "Ult aqparat" Polisia.kz silteme jasap.
8 aqpanda qaqtyǵystyń aldyn alý jáne ony oqshaýlaý úshin oqiǵa oryndaryna alǵashqylardyń biri bolyp Jambyl jáne Almaty oblysy politsiia departamentiniń jedel áreket etý arnaiy jasaǵynyń qyzmetkerleri keldi.
Tártipsizdik kezinde 19 qyzmetker túrli dene jaraqatyn alǵany, 9-y atys kezinde jaraqattanǵany belgili boldy. Arnaiy jasaq inspektorlarynyń birininiń beti men sol aiaǵyna oq tigen. Taǵy bir jasaq inspektory eki sannyń joǵarǵy jartysynan jaraqat aldy. Jaǵdai turaqtalyp, politseiler baqylaýǵa alǵannan keiin, qyzmetkerler ortalyq aýdandyq aýrýhananyń qyzmetine júgindi.
Qorǵanys quraldary men oq ótkizbeitin arnaiy kiimderdiń (bronejilet) arqasynda qaqtyǵys kezinde alǵan jaraqattar sanaty adam ómirine asa qaýipti emes ekeni anyqtaldy. Zardap shekkenderdiń kópshiligi alǵashqy meditsinalyq kómek alǵannan keiin qatarǵa qosylyp, qyzmetterin jalǵastyrýda.
Almaty oblystyq politsiia departamenti bastyǵynyń birinshi orynbasary - Serik Júnisbekov jaraqat alǵandardyń qatarynda. Oǵan jasalǵan operatsiia sátti shyǵyp, qazirgi ýaqytta densaýlyǵyna qaýip tónip turǵan joq. Qylmystyq kodekstiń 380-baby (Bilik ókiline qatysty kúsh qoldaný) boiynsha sotqa deiingi tergeý júrgizilýde .
Eske salaiyq, 7 aqpan kúni Jambyl oblysynyń Qordai aýdanyndaǵy Masanchi aýylynyń turǵyndary arasynda jappai tóbeles boldy. QR Prezidenti Qasym-Jomart Toqaev buzaqylyq sipattaǵy jappai tóbelesti arandatýshylar órshite túskenin málimdedi.
Sondai-aq vitse-premer Berdibek Saparbaevtyń tóraǵalyǵymen úkimettik komissiia qurylatynyn, qaza bolǵandardy jerleý, zardap shekkenderge kómektesý jumystary uiymdastyrylatynyn, qoǵamdyq tártipti buzǵandar anyqtalyp, qatań jaýapqa tartylatynyn málim etti. Bas prokýratýraǵa, Ulttyq qaýipsizdik komitetine tiisti tapsyrma berildi.
