QR Ishki ister ministriniń birinshi orynbasary Marat Qojaev Qordai oqiǵasy boiynsha qozǵalǵan ister týraly aityp berdi, dep habarlaidy "Ult aqparat".
«Búginde júzdegen adamnan jaýap alyndy, protsessýaldy is-qimyldar, qajetti saraptamalar júrgizilýde. Barlyq protsessýaldy dálelder alynǵannan keiin, kináliler jaýapkershilikke tartylady», - dedi M. Qojaev Parlament Májilisinde tilshiler saýalyna jaýap bere otyryp.
Osy oraida ol qozǵalǵan qylmystyq ister sany óte kóp ekenin atap ótti.
«Kún saiyn qylmystyq ister qosylýda. Ózderińiz bilesizder, adam óltirý faktileri boiynsha qylmystyq ister qozǵaldy. Jappai tártipsizdikke, urlyq, qaraqshylyq, tonaý faktilerine qatysty qylmystyq ister bar. Túrli epizodtar boiynsha 90-ǵa jýyq qylmystyq is tirkeldi», - dedi M. Qojaev.
Degenmen ol tergeý amaldarynyń qashan aiaqtalatyny týraly naqty jaýap bermedi.
«Ýaqyt kórsetedi. Tergeýdiń jalpy merzimi qylmystyq-protsessýaldyq zańnama boiynsha eki ai. Eger de qosymsha zertteýler qajet bolsa, qajetti saraptamalar taǵaiyndaý qajettigi týyndasa, onda bul merzim zańnamaǵa sáikes uzartylýy yqtimal», - dedi Marat Qojaev.
Eske sala keteiik, 11 aqpanda Qordai aýdanyndaǵy oqiǵa bailanysty 25-ten astam qylmystyq is qozǵalǵany habarlandy.
