Astanada «Kórkem Taýer» turǵyn úi keshenine qulaǵan kranǵa qatysty tekserý aiaqtaldy, dep habarlaidy Ulysmedia.kz Tótenshe jaǵdailar ministrligi Ónerkásip qaýipsizdigi komitetine silteme jasap.
Esterińizde bolsa, biyl 28 sáýirde qurylys-montajdaý jumysy kezinde (bas merdiger «Intex contract» JShS) QY25 markaly avtomobil krany «Kórkem Taýer» turǵyn úi kesheniniń 6-qabatyndaǵy páterdiń terezesin syndyrǵan edi.
Oqys oqiǵaǵa bailanysty «Stroiklass-Mehanizatsiia» JShS barlyq múddeli tarappen birge komissiia qurdy. Komissiia oqys oqiǵanyń avtomobil kranynyń júk kótergish shektegishi men jebe uzyndyǵynyń sensory jumys istemegendikten bolǵanyn anyqtady.
Kran iesine aiyppul salyndy. Qaýipsizdik talabyn buzǵany úshin «Ákimshilik quqyq buzýshylyq týraly» kodeksiniń 298-baby 1-bóligi boiynsha ákimshilik jaýapqa tartty.
