استانادا «كٶركەم تاۋەر» تۇرعىن ٷي كەشەنٸنە قۇلاعان كرانعا قاتىستى تەكسەرۋ اياقتالدى, دەپ حابارلايدى Ulysmedia.kz تٶتەنشە جاعدايلار مينيسترلٸگٸ ٶنەركەسٸپ قاۋٸپسٸزدٸگٸ كوميتەتٸنە سٸلتەمە جاساپ.
ەستەرٸڭٸزدە بولسا, بيىل 28 سەۋٸردە قۇرىلىس-مونتاجداۋ جۇمىسى كەزٸندە (باس مەردٸگەر «Intex contract» جشس) QY25 ماركالى اۆتوموبيل كرانى «كٶركەم تاۋەر» تۇرعىن ٷي كەشەنٸنٸڭ 6-قاباتىنداعى پەتەردٸڭ تەرەزەسٸن سىندىرعان ەدٸ.
وقىس وقيعاعا بايلانىستى «سترويكلاسس-مەحانيزاتسييا» جشس بارلىق مٷددەلٸ تاراپپەن بٸرگە كوميسسييا قۇردى. كوميسسييا وقىس وقيعانىڭ اۆتوموبيل كرانىنىڭ جٷك كٶتەرگٸش شەكتەگٸشٸ مەن جەبە ۇزىندىعىنىڭ سەنسورى جۇمىس ٸستەمەگەندٸكتەن بولعانىن انىقتادى.
كران يەسٸنە ايىپپۇل سالىندى. قاۋٸپسٸزدٸك تالابىن بۇزعانى ٷشٸن «ەكٸمشٸلٸك قۇقىق بۇزۋشىلىق تۋرالى» كودەكسٸنٸڭ 298-بابى 1-بٶلٸگٸ بويىنشا ەكٸمشٸلٸك جاۋاپقا تارتتى.
