2021 jylǵy qańtardan bastap shildeni qosa alǵandaǵy aralyqta kópbalaly otbasylarǵa beriletin memlekettik járdemaqy tólemderimen jalpy somasy 164,6 mlrd teńgege jetip, orta eseppen 446,3 myń otbasy qamtyldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Vedomstvonyń málimetinshe, shilde ainyda járdemaqynyń bul túri 449,2 myń otbasyǵa berilgen, onyń jalpy somasy 23,6 mlrd teńgege jetken.
Atalǵan memlekettik járdemaqy 4 jáne odan da kóp birge turatyn kámeletke tolmaǵan nemese 23 jasqa deiingi kúndizgi bólimde oqityn stýdent balalary bar otbasylar tabysyna qaramastan beriledi.
«Tólem mólsheri balalardyń sanyna bailanysty saralanyp tólenedi jáne 2021 jyly 46 760 teńgeni (4 bala), 58 457 teńgeni (5 bala), 70 154 (6 bala) teńgeni, 81 852 teńgeni (7 bala), 8 balaǵa – 93 344 teńgeni, 9 balaǵa – 105 012 teńgeni, 10 balaǵa – 116 680 teńgeni, 11 balaǵa – 128 348 teńgeni, 12 balaǵa – 140 016 teńgeni, 13 balaǵa – 151 684 teńgeni, 14 balaǵa – 163 352 teńgeni, 15 balaǵa – 175 020 teńgeni, 16 balaǵa – 186 688 teńge», delingen habarlamada.
Eske sala keteiik, kópbalaly otbasylarǵa olardyń kiristerin esepke almai beriletin jańa memlekettik járdemaqy Qazaqstanda 2020 jyldyń 1 qańtarynan bastap ataýly áleýmettik kómek kórsetýdiń jańa tetikterinde kózdelgen tabysy az jáne kópbalaly otbasylardy qoldaýdyń úsh negizgi baǵyty sheńberinde engizilgen bolatyn.
