Búgin QR parlamenti májilisiniń otyrysynda QR keibir zańnamalyq aktilerine turǵyn úi qatynastary máseleleri boiynsha ózgerister men tolyqtyrýlar engizý týraly QR zań jobasy qaralady, dep habarlaidy Baq.kz agenttigi.
Ekonomikalyq reforma jáne óńirlik damý komitetiniń tóraǵasy Nurtai Sabilianov bul zań jobasy Parlament Májilisi depýtattarynyń bastamasymen ázirlengenin atap ótti.
«Zań jobasy tabysy az kópbalaly otbasylarǵa birinshi kezekte turǵyn úi alý quqyǵyn berý, kópbalaly otbasylardyń sanaty boiynsha kezekke turǵandardyń jeke tizimin júrgizý jáne jumys isteitin jastardy qoljetimdi turǵyn úimen qamtamasyz etý máselelerin sheshýge baǵyttalǵan. Zań jobasy boiynsha eki zańǵa ózgerister men tolyqtyrýlar engizý kózdeledi. Komitet osy zań jobasyn jumysqa alyp, qorytyndy ázirleýge daiyn», - dep aitty Sabilianov.
Májilis depýtattary qoldaǵan QR keibir zańnamalyq aktilerine turǵyn úi qatynastary máseleleri boiynsha ózgerister men tolyqtyrýlar engizý týraly QR zań jobasy boiynsha qorytyndy ázirleý jóninde Zańynyń jobasy QR Tuńǵysh prezidenti Elbasynyń kópbalaly otbasylardy jáne jumys isteitin jastardy turǵyn úimen qamtamasyz etý jóninde bergen tapsyrmalaryn iske asyrý úshin ázirlengen.
«Bul zań jobasy jergilikti atqarýshy organdardyń kópbalaly otbasylardy turǵyn úimen qamtamasyz etýdiń zańnamalyq negizin qalyptastyrýǵa baǵyttalǵan. Osyǵan bailanysty atalǵan zań jobasyn qaraý týraly máseleni Májilistiń búgingi jalpy otyrysynyń kún tártibine engizýdi suraimyn», - dedi depýtat.
QR Parlamenti Májilisiniń tóraǵasy Nurlan Nyǵmatýlin bul suraqty ádettegidei kún tártibindegi barlyq máselelerden keiin qaralatynyn aitty.
