Búgin Almaty oblysy ákimi, «Nur Otan» partiiasy Almaty oblystyq filialynyń tóraǵasy Amandyq Batalovtyń jetekshiligimen partiia filialynyń kezekten tys XXV konferentsiiasy ótti.
Partiianyń 20 jyldyǵy qarsańynda ótip otyrǵan jiynǵa júz otyzǵa jýyq delegat qatysyp, «Nur Otan» partiiasynyń 2030 jylǵa deiingi baǵdarlamasy jobasyn jan-jaqty talqylap, oilaryn ortaǵa saldy.
Alǵashqy sóz oblys ákiminiń orynbasary Aqan Ábdýálievke berildi. Ol óz baiandamasynda Prezidenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń óńirde iske asyrylý barysyna keńinen toqtaldy. Oblystyń ónerkásiptegi, aýyl sharýashylyǵyndaǵy jáne basqa da mańyzdy salalardaǵy bastamalary men jetistikterin sóz etti. Tsifrlandyrý júiesiniń júzege asyrylýyna da toqtalyp, «Tsifrlyq partiia» jobasy aiasynda Almaty oblysynda «Balalarǵa arnalǵan tegin IT-synyptar» jobasy boiynsha 44 synyp ashylǵanyn, Taldyqorǵan qalasynda 6 «Smart» aialdama kesheni ornatylyp, Qaratal aýdanynda «servistik ákimdik» jobasy iske qosylǵanyn tilge tiek etti. Sondai-aq baiandamashy Joldaý tapsyrmasy boiynsha biylǵy jyly oblystaǵy 99 myńnan astam kásiporyn jumysshylarynyń, 41 myńdai biýdjettik qyzmetkerlerdiń jalaqysy ósetinin aitty.
Óz kezeginde oblys ákimi A. Batalov Elbasynyń tapsyrmalaryn oryndaýda biraz ister atqarylǵanymen, alda áli aýqymdy jumys kútip turǵanyn eske saldy. Amandyq Batalov aldaǵy onjyldyqta partiia árbir qazaqstandyqtyń, ásirese kópbalaly otbasylar men áleýmettik az qamtylǵan turǵyndardyń ómir súrý deńgeiin arttyrýǵa basa mán berip otyrǵanyn aitty.
- Oblys ákimdigi kópbalaly analarǵa kómek retinde «7-20-25» baǵdarlamasy boiynsha qaitarymsyz 1 million teńge nesie berý, Taldyqorǵan qalasy janyndaǵy jańa qalashyqta salynatyn 156 kottedjderden úi bólý, kóp balaly otbasylaryna arnap kópqabatty eki turǵyn úi salýdy josparlap otyr. Sondai-aq, kópbalaly jáne az qamtylǵan otbasylardan shyqqan balalarǵa arnap oblys ákiminiń oqý grantyn taǵy da 100 grantqa kóbeitemiz. Osy sanattaǵy otbasylardyń turǵyn úilerin gazǵa qosý baǵasyn investorlar esebinen tómendetý, jeke turyn úilerge tegin gaz datchikterin ornatý úshin qarjy qarastyrýymyz kerek, - dedi A. Batalov.
Oblys basshysynyń aitýynsha, bul jumys búgingi kúni óńir kásipkerleri tarapynan úlken qoldaýǵa ie bolyp otyr. Jaqynda ǵana jeke kásipker Asqar Súleimenovtiń demeýshiligimen Talǵar aýdanynda kópbalaly Janbolattar otbasy baspanaly boldy. Oblys ákimi A. Súleimenovke azamattyq is atqarǵany úshin shyn júrekten alǵysyn jetkizdi.
Sol siiaqty aýdan, qala ákimderine óz óńirlerinde kóp balaly jáne turmysy tómen otbasylarynyń ókilderin qabyldap, qandai muqtajy bar ekenin naqty anyqtaýdy tapsyrǵanyn aitty. «Atalǵan málimetter boiynsha naqty Áleýmettik jol kartasyn ázirleimiz. Sonda oblystaǵy kómekti qajet etetin otbasylardyń aýqymy jáne olarǵa qandai qoldaý qajettigi týraly tolyq aqparatqa ie bolamyz. Jáne negizgi jumysty sol kartany basshylyqqa alyp atqaramyz. Máselen, búginge deiin Balqash aýdany 60-tan astam otbasy múshesin qabyldap úlgirse, Eńbekshiqazaq aýdanynda áli kúnge 8-aq adam qabyldaǵan. Mundai sylbyrlyqty nemen túsindirýge bolady?», - dedi A. Batalov. Jergilikti jerlerdegi qabyldaýlardyń qaǵazda esep berý úshin emes, naqty oń nátije shyǵarý úshin ótkizilýin qatań qadaǵalaitynyn aitty.
Jiynda oblystyq filial tóraǵasynyń birinshi orynbasary Ǵaliasqar Sarybaev Partiianyń 2030 jylǵa deiingi baǵdarlamasy jobasynyń negizgi erejelerine toqtaldy.
Konferentsiiada Partiia Saiasi keńesiniń múshesi, oblystyq «Ogni Alataý» gazetiniń bas redaktory Atsalim Idigov, Taldyqorǵandaǵy Oqýshylar saraiynyń direktory, bastaýysh partiia uiymynyń tóraiymy Lázzat Esbolova, «Jas Otan» jastar qanatynyń jetekshisi Erkebulan Aqbolatov ta sóz aldy. Sonymen qatar partiia Jarǵysyna ózgerister men tolyqtyrýlar engizý týraly oblystyq partiia filialy Saiasi keńesiniń múshesi, oblystyq partiia filialy tóraǵasynyń orynbasary Gúlnár Toilybaeva baiandady.
Osy jiynda «Nur Otan» partiiasynyń kezekti HVIII Sezine 93 delegat sailandy.
