Jelide áielderdiń ákimdikke kelgen er adamdy jabylyp sabap jatqan sáti túsirilgen video tarady, dep habarlaidy Ulysmedia.kz.
Nur-Sultan qalasynyń ákimdiginiń málimetinshe, áielder ákimdik ǵimaratyna baspana máselesin sheshý úshin barǵan.
"Áielder ǵimarattyń kireberisin jaýyp, ákimdikke óz máselesi boiynsha kelgen er adamǵa shabýyl jasady. Er adam ákimdiktiń nemese ózge memlekettik organnyń qyzmetkeri emes, ol qalanyń qarapaiym turǵyny", – deidi ákimdiktegiler.
Politsiia departamentiniń dereginshe, oqiǵa saǵat 11-12-ler shamasynda bolǵan. Janjalǵa qatysýshylardan politsiiaǵa bir-birine shara qoldaný týraly aryz túsken. Atalǵan fakti "Saryarqa" aýdanynyń politsiia basqarmasynda tirkeldi.
Sot-meditsinalyq saraptama taǵaiyndaldy, onyń nátijeleri boiynsha qoldanystaǵy zańnamaǵa sáikes sharalar qabyldanatyn bolady.
