Oblystyq ekonomikalyq tergeý departamenti kontrabandashylardan tárkilegen tutyný taýarlaryn óńirdegi muqtaj jáne az qamtylǵan turǵyndarǵa taratady, - dep habarlandy oblys ákimdiginiń resmi saitynda.
Tárkilengen taýarlardyń ishinde 546 million teńgeniń 530 túrli ataýly kiimi, tósek-oryn jabdyqtary jáne basqa da taýarlar bar. Búginde olardy úlestirý boiynsha adamdardyń sanattary anyqtalǵan.
«Eń aldymen, áleýmettik mekemeler – balalar úileri, qarttar úileri, psihonevrologiialyq jáne ózge de aýrýlarmen aýyratyndarǵa arnalǵan internat úilerindegi qyzmet alýshylar irikteldi. Sonymen qatar, bul tizimge oblystaǵy az qamtylǵan azamattar men AÁK alýshylar, sondai-aq ómirlik qiyn jaǵdaiǵa tap bolǵan turǵyndary da engizilgen», - deidi oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Jorabek Baýbekov.
Sondai-aq, Taraz qalasy men aýdandarda bul kómekke muqtaj adamdardyń tizimi ázirlengen. Az qamtylǵan halyq arasynda taýarlardyń bólinýin baqylaý tikelei jergilikti ákimderge júktelip otyr. Olar osy iste qandaida bir buzýshylyqtarǵa jol berilmeýine jaýapty bolady.
Salalyq basqarma taýarlardy Taraz qalasy men aýdandarda jumys isteitin áleýmettik dúkenderi arqyly taratýǵa nietti. Jastar basqarmasy qazirdiń ózinde 109 myń dana taýarǵa ótinim bergen.
Aita ketý kerek, tárkilengen taýarlardyń bir bóligi – 10 myń jańa taýar 3 mamyr kúni azyq-túliktermen birge sý tasqynynan zardap shekken kórshiles Túrkistan oblysyna jiberilgen.
