Sýret ashyq derekkózden alyndy
Konstitýtsiialyq Sottyń sheshimderi barlyq memlekettik organdar úshin mindetti bolady, olardy eshkim qarai almaidy. Bul týraly Senat spikeri Máýlen Áshimbaev málimdedi, - dep habarlaidy Tengrinews.kz portaly.
"Konstitýtsiialyq Sot memlekettegi eń negizgi organdardyń biri. Eger adamdardyń, jýrnalisterdiń quqyǵy buzylyp jatsa, osy sot tiisti shaǵymdardy qaraidy. Konstitýtsiialyq Sottyń sheshimin memlekettik organdar oryndaýǵa mindetti. Konstitýtsiialyq Sottan joǵary eshqandai organ bolmaidy", - dedi Senat tóraǵasy.
Sonymen qatar, Áshimbaev Elvira Ázimovanyń Konstitýtsiialyq sot tóraǵasy bolyp taǵaiyndalýyna qatysty pikir bildirdi.
"Búgin Konstitýtsiialyq Sottyń tóraǵasy qyzmetine Elvira Ábilhasymqyzynyń taǵaiyndalýyna Senat óziniń kelisimin berdi. Ol bilikti maman retinde tanyldy. Ádilet ministrliginde jáne basqa da qurylymdarda uzaq jyldar jumys istegen. Eshqashan daý-damaiǵa ilikke emes. Jańa adamdardyń jaýapty laýazymdarǵa taǵaiyndalýy atalǵan organnyń tiimdi jumys isteýine tikelei áser etedi dep senemiz", - dedi Áshimbaev.
