2022 jyldyń 5 maýsymynda elimizde Konstitýtsiiamyzǵa engiziletin ózgeristerge bailanysty referendým ótedi.
Ata zańnyń úshten bir bóligine ózgertýler jasalynady. Ózgertýler halyqtyń talaptaryna bailanysty qurastyrylǵan. Olardyń ishinde sýperprezidenttik basqarý júiesin klassikalyq úlgidegi prezidenttik respýblikaǵa almastyrý, bilik ókiletteriniń qaita bólinýi, Konstitýtsiialyq sottyń qurylýy, Parlamenttiń rólin arttyrý siiaqty jańartýlar bar.
Olardyń nátijesinde barlyq saiasi partiialardyń damýyna múmkindik berilip, Prezident sheshimderiniń adaldyǵy arttyrylady. Soǵan qosa, sailaýshylardyń daýystaryn qorǵaýǵa, halyqtyń el basqarýǵa qatysý múmkindigin kóbeitýge, quqyq qorǵaý qyzmetiniń júieli oryndalýyna áser etedi.
Ata zańǵa engiziletin ózgeristerdiń eń basty áseri - elimizdiń odan ári demokratiialandyrylýy. Nátijesinde, bolashaqta jasalynatyn sheshimderdiń, olardyń ishinde zańnamalyq organdarǵa sailaý júiesiniń, ádildigine senim arta alamyz. Onyń ústine, jańartýlar Úkimettiń daǵdarys jaǵdailaryna daiyndyǵyn damytýǵa ákeledi.
Konstitýtsiialyq keńestiń qaita qurylýy bizdiń azamattarymyzǵa ǵana emes, basqa el ókilderine de kómek kórsetedi. Basqa el ókilderiniń, sonyń ishinde eńbek migranttary da, bosqyndar da, jańa keńeske júgine alady. Ol kemsitýshilik printsipin jeńýge jol ashady.
Konstitýtsiiaǵa engiziletin ózgertýler adam quqyqtaryn qorǵaýda mańyzdy qadam bolyp tabylady.
Bul referendýmnyń ótýi memlekettiligimizdiń taǵy bir biik beleske kóterilýiniń aiǵaǵy bolmaq. Sol sebepten, elimizdiń bolashaǵyn oilaityn ár azamat referendýmge qatysýy qajet dep esepteimin. Árbir adamnyń daýysy mańyzdy!
Elmira Biráli,
Zańger, quqyq magistri
