Konstitýtsiialyq Keńes Prezident Qasym-Jomart Toqaevtyń «Qazaqstan Respýblikasynyń keibir zańnamalyq aktilerine advokattyq qyzmet jáne zań kómegi máseleleri boiynsha ózgerister men tolyqtyrýlar engizý týraly» Zańdy Respýblika Konstitýtsiiasyna sáikestigine tekserý týraly ótinishi boiynsha sheshim qabyldady, dep habarlaidy "Ult aqparat".
Konstitýtsiialyq Keńestiń sheshimine berilgen túsiniktemeni usynamyz.
* * *
Konstitýtsiialyq Keńes atalǵan Zańdy Konstitýtsiiaǵa sáikes dep taba otyryp, onyń jekelegen erejeleriniń dálme-dál tujyrymdalmaǵanyna jáne sabaqtas normalarmen úilespeitinine nazar aýdardy. Ondai mátin zań normalaryn oń túsinbeýge, sonyń sebebinen teris qoldanýǵa jaǵdai jasaýy múmkin.
Máselen, zań konsýltantynyń qupiiasyn saqtaý mindetinen alyp tastaýlardy zańǵa táýeldi normativtik quqyqtyq aktilerde belgileýge jol berilmeidi dep tanyldy. Keńestiń pikirinshe, zań konsýltanttarynyń kásiptik qupiiany saqtaý mindeti olardyń klientteriniń jeke ómirine qol suǵylmaýyna, óziniń jáne otbasynyń qupiiasy bolýyna konstitýtsiialyq quqyqtaryn qamtamasyz etýge baǵyttalǵan, sol sebepti odan alyp tastaýlar tek zańdarmen rettelýi tiis.
Sheshimde advokatty litsenziiadan aiyrý jáne onyń advokattar alqasyndaǵy músheligin toqtatý rásimin, onyń ishinde attestattaý qorytyndylary boiynsha, bul áreketterdiń naqty protsedýrasyn anyqtaý múmkin emestigi atap ótildi.
Keńes advokattar kórsetetin zań kómeginiń túrlerine qatysty túzetýlerdiń úilespeitinin anyqtady. Beiindi zańda olardyń tizbesinen quqyqtyq máseleler boiynsha anyqtamalar berý alyp tastalǵan. Dei turǵanmen, Qylmystyq-atqarý kodeksinde sottalǵandardyń osyndai anyqtamalar alý quqyǵy saqtalǵan.
Keńes quramy zań konsýltanttary palatalarynyń erikti músheligine negizdelgen kommertsiialyq emes uiym retinde Respýblikalyq zań konsýltanttary alqasyn qurýdy kózdeitin Zańnyń erejelerin syni turǵydan baǵalady. Konstitýtsiialyq Keńes zańda palatalar jarnalarynyń tómengi shegin bekitý jáne basqa sharalardy iske asyrý, eger olar zań konsýltanttarynyń búkil qoǵamdastyǵyna qatysty bolsa, olar kórsetetin zań kómeginiń sapasyn arttyrýǵa yqpal etse jáne qyzmettiń bir salasy ókilderiniń arasynda teńdikti buzý úshin jaǵdai jasamasa, oryndy bolýy múmkin, dep esepteidi.
Budan basqa, zańda zań kómegin kórsetý máselelerin quqyqtyq retteý deńgeilerine qatysty ishki qaishylyqtar anyqtaldy. Eger keibir normalarda bul máseleler tek zańdarmen reglamenttelýi múmkin dep kórsetilse, al basqa normalarda zańdyq kúshi tómen ózge de normativtik quqyqtyq aktilermen retteýge jol berilgen.
Baiandalǵandy eskere otyryp, Konstitýtsiialyq Keńes quqyqtyq kolliziialardy joiý maqsatynda zań shyǵarýshynyń nazaryn aǵymdaǵy zańshyǵarmashylyq qyzmeti aiasynda qosymsha sharalar qabyldaý qajettigine aýdardy.
Konstitýtsiialyq Keńes atap kórsetkendei, bilikti zań kómegin alý quqyǵy árbir adamnyń ózi zańdyq mańyzy bar áreketter jasaǵan kezde joǵary bilikti zańgerlerdiń kásibi kómegin paidalaný múmkindigin kózdeidi. Osy quqyq Negizgi Zańda bekitilgen sot arqyly qorǵalý quqyǵyn jáne sot tóreligi qaǵidattaryn iske asyrýmen tyǵyz bailanysty.
Osyǵan oraida memleket jeke adamnyń atalǵan quqyǵyna kepildik berý úshin de, bilikti zań kómegin kórsetetin tulǵalar qyzmetiniń tiimdiligin qamtamasyz etý úshin de tiisti jaǵdailar jasaý maqsatynda qajetti normativtik-quqyqtyq, uiymdastyrýshylyq jáne ózge sipattaǵy sharalardy qabyldaýy tiis.
Konstitýtsiialyq Keńes qaýlysynyń tolyq mátini basylymdarda jáne Keńestiń saitynda jariialanady.
