UEFA Konferentsiia ligasy úshinshi irikteý satysynda qostanailyq «Tobyl» syrt alańda Slovakiianyń «Jilina» komandasyna jol berdi, dep habarlaidy "Ult aqparat".
Eki komanda arasyndaǵy alǵashqy kezdesýde qostanailyq klýb elordada 0:1 esebimen jol bergen edi.
Al búgingi kezdesýde «Jilina» 5:0 esebimen jeńiske jetip, basymdyǵyn arttyra tústi. Oiyn barysynda olardyń qatarynan David Diýrish 14, Matýsh Rýsnak 41, Vagan Bichahchian 64, Tibor Slebodnik 81-minýttarda mergendik tanytsa, Vagan Bichahchian 91-minýtta qorytyndy esepti belgiledi.
Eske salsaq, búgin Eýropa ligasy úshinshi irikteý satysynda Almatynyń «Qairaty» syrt alańda Armeniianyń «Alashkertine» jol berip, endi Konferentsiia ligasy plei-off satysynda oiyn kórsetetin boldy.
Al Konferentsiia ligasy úshinshi irikteý satysynda «Astana» óz alańynda Finliandiianyń KýPS klýbyna jol berse, Qaraǵandynyń «Shahteri» Ýkrainanyń «Kolosyn» qapy qaldyryp ketti.
