QR Ulttyq ekonomika ministrligi Tabiǵi monopoliialardy retteý komiteti tóraǵasynyń mindetin atqarýshy Ashat Japsarbai kommýnaldyq qyzmetter tarifiniń kóterilýine yqpal etetin faktorlardy atady, dep habarlaidy QazAqparat.
«Kommýnaldyq qyzmetter tarifiniń aqyrǵy baǵasyna kómir, gaz, mazýt, elektr energiiasy siiaqty strategiialyq taýarlar baǵasynyń deńgeii aitarlyqtai áser etetinin atap ótken jón. Mysaly, elektrmen jabdyqtaý jáne jylýmen jabdyqtaý qyzmetteri tarifiniń 50%-ǵa deiingi baǵasyn otynnyń ózindik quny quraidy. Gazben jabdyqtaýdyń tarifinde bul kórsetkish 80% -ǵa deiin jetedi», - dedi Ashat Japsarbai ortalyq kommýnikatsiialar qyzmetinde ótken brifingide.
Onyń aitýynsha, tarifterdiń kóterilýine retteletin tarifterdiń qymbattaýy da áser ete alady.
«Taýarlyq gazǵa kóterme baǵanyń 10%-ǵa deiin ósýi, energiia óndirýshi uiymdar úshin tarifterdiń orta eseppen 15%-ǵa ósýi, jańartylatyn energiia kózderin paidalanýǵa qoldaý kórsetý ústemeaqysyn engizý, energiia óndirýshi uiymdardyń tarifteriniń ortasha eseppen 7,2%-ǵa artýy siiaqty retteletin faktorlar áser etedi. Rettelmeitin faktorlar retinde tabiǵi monopoliialar sýbektilerine iesiz jelilerdi berý, jelilerdi senimgerlik basqarýǵa qabyldaý, olardy kútip ustaýǵa arnalǵan shyǵyndar, kómir qunynyń ósýi (9% - ǵa ósti) siiaqty fatorlardy jatqyzýǵa bolady», - dep qorytyndylady Ashat Japsarbai.
