QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń ujymy koronavirýstan qaitys bolǵan dárigeriń týystary men jaqyndaryna kóńil aitty, dep habarlaidy "Ult aqparat".
Bul týraly Tótenshe jaǵdai rejimin qamtamasyz eý jónindegi memlekettik komissiianyń Jedel shtabynan málim boldy.
«QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń ujymy «Abdi Ibrahim Global Farm «JShS-niń bas direktory Ziiathan Ahmeduly Gasanovtyń mezgilsiz qaitys bolýyna bailanysty týǵan-týystary men jaqyndaryna qaiǵyryp kóńil aitty. Ol alǵashqylardyń biri bolyp meditsina qyzmetkerleri men qazaqstandyqtarǵa koronavirýs infektsiiasymen kúreste kómektesip, ókinishke orai, osy indettiń kesirinen kóz jumdy.
Ziiathan Ahmeduly óz isiniń sheberi boldy, ol elimizdiń farmatsevtika salasynyń damýyna zor úlesin qosty. Oǵan qosa, óziniń syrqattanyp júrgenine qaramastan, jalpyǵa birdei tóngen qaýipke bei-jai qaramai, elimizge COVID-19 virýsymen kúreste zor kómegin tigizdi. Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq departamentteriniń meditsina qyzmetkerlerine jeke qorǵanysh quraldaryn tegin berdi.
Jany jaisań azamat, áke, ul, tamasha basshynyń ómirden ozýyna bailanysty qaiǵyryp kóńil aitamyz. Ziiathan Ahmedulynyń otbasymen jáne ózi qurǵan kásiporyn ujymymen orny tolmas qaiǵyǵa ortaqtasa otyryp, kóńil aitamyz. Biz Qazaqstannyń laiyqty azamaty týraly jaqsy estelikterdi júregimizde saqtaimyz», - delingen habarlamada.
