Kómirtegi beitaraptylyǵyna qol jetkizý úshin 650 mlrd dollar investitsiia qajet. Bul týraly QR Ekologiia, geologiia jáne tabiǵi resýrstar ministri Serikqali Brekeshev aitty, dep habarlaidy QazAqparat.
«Kómirtegi beitaraptylyǵyna qol jetkizý úshin esepteýler 40 jyldyń ishinde tómen kómirtekti tehnologiialarǵa shamamen 650 mlrd dollardyń qajet ekendigin kórsetti. Bul rette investitsiianyń 80 paiyzdan astamy 2040 jyldan keiin qajet bolady», dedi ol «Parij kelisiminiń maqsattaryna qol jetkizý joldary jáne Qazaqstannyń kómirtegi beitaraptylyǵy» halyqaralyq konferentsiiasy barysynda.
Onyń atap ótýinshe, 40 jyldyń ishinde elektr jáne jylý energiiasyn óndirý sektoryna 305 mlrd dollar, kólik salasyna 167 mlrd dollar, taý-ken óndirý óndirý jáne óńdeý ónerkásibi salasyna 65 mlrd dollar, turǵyn úi-kommýnaldyq sharýashylyǵyna, aýyl sharýashylyǵyna 49 mlrd dollar, sonymen qatar kómirtekterdi tutý jáne saqtaý tehnologiialaryna 10 mlrd dollar qajet.
«Buǵan qosa, modeldeý baǵalaýyna sáikes kómir munai men gaz óndirý sektorlaryna investitsiia qysqarady. Óitkeni, uzaqmerzimdi keleshekte bul resýrstarǵa suranys tómendeidi», - dedi Serikqali Brekeshev.
