14 mamyrda Semei soty dziýdoshy Jasulan Ábievti óltirdi dep aiyptalǵan qala turǵyny Máýlen Marlenovti segiz jylǵa bas bostandyǵynan aiyrdy. Bul týraly qazaqstandyq Tengrinews.kz aqparat agenttigi habarlady.
Aiyptalýshy sportshynyń otbasyna úsh million teńge moraldyq shyǵyn tóleýi tiis. Sot úkimi kúshine engen joq. Eki taraptyń da apelliatsiia sotyna shaǵymdanýǵa quqyǵy bar. Qaza tapqan Jasulan Ábievtiń jaqyndary sot úkimimen kelispeitinderin, apelliatsiialyq shaǵym túsiretinin aitty.
2018 jyly 12 qarashada Semeide kómir kezeginde turǵan eki adam tóbelesip, bireýi qaza tapqan. Keiin mert bolǵan dziýdodan birneshe halyqaralyq jarystyń júldegeri Jasulan Ábiev ekeni anyqtalǵan. Bul oqiǵa Qazaqstan qoǵamynda shý týǵyzǵan.
