2015 jyldan beri salynyp jatqan kómir elektr stansalarynyń sany dúniejúzinde 84 paiyzǵa azaiǵan. Bul týraly QR Ekologiia, geologiia jáne tabiǵi resýrstar ministri Serikqali Brekeshev aitty, dep habarlaidy QazAqparat.
«Qazaqstan Respýblikasy jahandyq temperatýranyń 2 gradýstan astam ósýine jol bermeý jónindegi Parij kelisiminiń temperatýralyq maqsatyna qol jetkizý jolyndaǵy kúsh-jigerdi jandandyrý jáne ambitsiialardy arttyrý jónindegi jahandyq kún tártibin tolyq qoldaidy. «Global Carbon Atlas» platformasynyń 2019 jylǵy málimetine sáikes, Qazaqstan kómirqyshqyl gazynyń shyǵaryndylary boiynsha 221 eldiń ishinde 21-shi, jan basyna shaqqandaǵy shyǵaryndylar boiynsha 11-shi jáne JIÓ kómirtek syiymdylyǵy boiynsha 5-shi orynda. 2019 jyly ulttyq parniktik gaz shyǵaryndylary 364 million tonnadan astam boldy»,- dedi ministr ortalyq kommýnikatsiialar qyzmetindegi baspasóz máslihatynda.
Onyń atap ótýinshe, klimattyń ózgerýi jáne parniktik gazdardyń shyǵaryndylaryn azaitý qajettiligi iri sektorlardy kómirteksizdendirý arqyly álemdik ekonomikany damytý baǵytyn transformatsiialaýǵa ákeledi.
«Parij kelisiminiń maqsatyna jetý úshin kóptegen elder kómirtegi beitaraptyǵy maqsaty jóninde málimdeýde. Halyqaralyq qarjy institýttary tómen kómirtekti tehnologiialardy damytýdyń paidasyna kómirmen bailanysty jobalardan tolyǵymen bas tartty. Bul kómir ónerkásibi salasyna qysym jasaýǵa ákelýde. «CarbonTracker» taldaý ortalyǵynyń zertteýlerine sáikes, 2015 jyldan beri salynyp jatqan kómir elektr stantsiialarynyń sany dúniejúzinde 84 paiyzǵa azaiǵan»,- dedi Serikqali Brekeshev.
