Tanymal joǵary sanatty pediatr-dáriger, meditsina ǵylymdarynyń kandidaty Evgenii Komarovskii koronavirýsqa qarsy ǵajaiyp dári týraly aitty, dep habarlaidy "Ult aqparat".
«Dáriniń qalai áser etetinin anyqtaý úshin hattama boiynsha zertteý jumystaryn júrgizý kerek. Álem meditsina ǵylymynda eshqandai tájiribesi joq dertpen betpe-bet keldi. Sońǵy jarty jyl ishinde koronavirýsty emdeýge qatysty kózqarasymyzdy san márte ózgerttik», - deidi Evgenii Komarovskii.
Onyń aitýynsha, ár adam óziniń jáne balasynyń profilaktikasyn oilai kele qandai jaǵdaida, qandai virýs juqtyrǵan kezde qatty aýyratynyn túsinýi kerek.
«Tynys alǵan kezde tynys alý jolyna belgili bir mólsherde virýs jinalyp qalýy múmkin. Virýs sany qanshalyqty kóp bolsa, odan ońalý sonshalyqty qiyn bolady. Ár adam qandai jerde virýs kóp jinalatynyn bilýi kerek. Ol adam aýyryp jatqan jáne aýa tar jer bolýy múmkin. Osyndaidy túsingen jaǵdaida kóp suraqtyń jaýaby tabylady. Eger orman, saiabaq, kóshe boiynda kele jatsańyz - keń aýada virýs joiylyp ketedi. Aýyrǵan adam sizge jaqyn jerde turyp tynys alsa - aýyryp qalýyńyz múmkin. Eger bólme ishi jeldetilmese - tipten qaýipti», - deidi ol.
Sondai-aq, ol koronavirýsqa qarsy eń tiimdi dári - bólmeni jeldetý ekenin aitty.
«Adamdar ózderi qorqatyn nársege degen kózqarasyn ózgertýi kerek. Bólmeni jii jeldetip otyrý kerek. Eń ǵajaiyp dári - jeldetý. Adamdar arasyndaǵy qashyqtyqty ulǵaityp, aýa almasýdy qamtamasyz etý kerek. Maska taǵýǵa qaraǵanda osy ádis tiimdirek. Úide qamalyp otyrasyz nemese bólmeni jeldetip otyrasyz. Qazaqstandyqtar osyny túsinýi kerek», - deidi dáriger.
