BQO qylmystyq ister jónindegi mamandandyrylǵan aýdanaralyq soty komandirin atyp óltirgen Serik Ǵarifke úkim shyǵardy, dep habarlaidy QazAqparat tilshisi.
Sýdia Baqyt Ermahanovtyń málim etkenindei, S.Ǵarif QR QK 99-baby 1-bóligine sáikes aiypty dep tanyldy.
S.Ǵarif 13 jylǵa bas bostandyǵynan aiyrý jazasyn qaýipsizdigi barynsha joǵary qylmystyq-atqarý júiesi mekemesinde óteýge sottaldy.
Sonymen qatar ol jábirlenýshilerdiń paidasyna 2,7 mln astam teńge materialdyq jáne 4 mln teńge moraldyq shyǵyn óndiretin boldy.
QR IIM mamandandyrylǵan kúzet qyzmeti basqarmasy Aqjaiyq aýdany 2-batalonynyń qyzmetkeri bolǵan, 1994 jylǵy S.Ǵarif politsiia serjanty sheninen de aiyryldy.
Sot oǵan qosa atalǵan mekemede oryn alǵan kemshilikterdi atap kórsetip, ony tekserý jóninde BQO prokýratýrasy atyna jeke qaýly shyǵardy.
Sot talqysynda belgili bolǵanyndai, jekkórýshilik negizinde S.Ǵarif ótken jylǵy 6 qyrkúiek kúni saǵat 16.29-da Aqjaiyq politsiia bóliminiń aýlasynda vzvod komandiri Rústem Raqyshevti jeti ret atyp, óltirgen. Ol qyzmet babynda óziniń tarapyna aitylǵan syn-eskertpelerdi kótere almai, ashý-yza jinala bergen.
Sot úkimi kúshine engen joq.
Eske sala keteiik, budan buryn BQO-da politsiia qyzmetkeriniń vzvod komandirin atyp óltirgenin jazǵan bolatynbyz.
