"Komandir taksi" kompaniiasynyń ókilderi Baian Esentaevany uryp-soǵý isine qatysty tergeý jumystaryna qatysyp jatyr, - dep habarlaidy kaz.tengrinews.kz tilshisi kompaniia ókilderine silteme jasap.
"Iá, biz bul jaǵdai týraly bilemiz. Men ózim Baiandy bilemin, syilaimyn, ony boiyndaǵy qasietteri úshin qurmetteimin. Baiannyń tez jazylyp ketýine tilektespin. Onyń bul jaǵdaidan shyǵyp, ári qarai da syily adam bolyp ómir súrýin tileimin. Men qaýipsizdik qyzmetindegilerge jáne basqa da qyzmetkerlerge IID ókilderine jaýap berýlerin aittym. Biz barlyq qujatty tapsyrdyq, osy oqiǵadan keiingi kóliktiń jasaǵan barlyq qozǵalysyn kórsettik. Taksi júrgizýshisi jaily aitatyn bolsaq, zańnamaǵa sáikes, shabýyl jasalǵan kezde júrgizýshi qaýipsizdik erejelerin saqtady. Osy oqiǵaǵa qatysty aqparattyń barlyǵyn IID baspasóz qyzmetindegiler aita alady. Istiń mán-jaiyn bilý úshin sonda habarlasyńyzdar", - dedi "Komandir taksi" kompaniiasynyń negizin qalaǵan Maksim Sársenov.
Eske salaiyq, Baian Esentaeva 10 maýsymda aýyr jaǵdaida Talǵardaǵy aýrýhanaǵa túsken bolatyn. Tergeýdiń málimetinshe, ony kúieýi Baqytbek Esentaev aiaýsyz uryp soǵyp, birneshe ret pyshaqtaǵan. Bul oqiǵa Eńbekshi aýylynyń mańynda Qulja tas jolynda bolǵan.
Er adam ustalyp, Talǵar aýdandyq ishki ister basqarmasyna jetkizildi. Keiin IIB ókilderi meditsinalyq kýálandyrý qorytyndysy boiynsha Baqytbek Esentaevtyń mas bolǵanyn aitty. Ol óz kinásin moiyndap otyr eken. Is "Adam óltirýge oqtalý" baby boiynsha tergelip jatyr. Esentaeva aýrýhanada 10 kún boldy, biraq úiine shyqqannan keiin de ambýlator tártibinde em aldy. Jaqynda Baqytbek Esentaevtyń soty ótetin kún belgilendi.
Al keiin Baian Esentaeva jurtty dúrliktirgen oqiǵadan keiin birinshi ret suhbat berdi.
