Inkliýzivti nemese qoljetimdi týrizm kez-kelgen adamnyń fizikalyq, intellektýaldyq erekshelikterine nemese jasyna qaramastan qoljetimdi týristik baǵyttardy, ónimder men qyzmetterdi qamtidy. Biraq búgingi tańda múgedektigi bar adadmdardyń 70%-y Qazaqstan men shet elderge saiahattaǵysy keletinine qaramastan («Arjan» qoǵamdyq qorynyń zertteýine sáikes), týristik operatorlar men nysandardyń kópshiligi bul sanattaǵy adamdar úshin óz qyzmetterin usynbaidy.
Bul máseleni sheshýmen inkliýzivti týrizmdi ilgeriletý jónindegi jobany iske asyratyn «Batyr» qoǵamdyq birlestigi ainalysady. Uiym múgedektigi bar adamdar úshin olardyń qajettilikteri men múmkindikterin eskere otyryp, Aqmola oblysy boiynsha inkliýzivti týrlar ótkizedi.
Bastama Ortalyq Aziianyń Eýraziia Qory «Shevron» kompaniiasymen seriktestikte iske asyratyn «Baitaq jer»jobasynyń bóligi bolyp tabylady. Jobanyń maqsaty – týrizmdi damytý jáne jastardy tartý arqyly Aqmola oblysynyń aýyldyq aýdandarynda kásipkerlikti qoldaý.
«Batyr» QB Aqmola oblysynda 2012 jyldan bastap jumys isteidi jáne áleýmettik osal otbasylarǵa, múgedektigi bar balalar men jastarǵa qoldaý kórsetedi. Sońǵy 7 jyl boiy uiym múgedektigi bar balalarǵa arnalǵan Astana qalasy boiynsha inkliýzivti týrlardy daiyndaýmen ainalysyp keledi. Balalar okeanariým, Han-Shatyr, «Heppilon» jáne «Bebilon» oiyn aimaqtary, botanikalyq baq, ortalyq saiabaq, elordalyq tsirk siiaqty jerlerge barady. Týrlar Astanadan tys jerlerde de ótkiziledi. Batyr komandasyna kiretin múgedektigi bar balalarmen jumys jónindegi tájiribeli mamandar týrlardy uiymdastyrady jáne súiemeldeidi. Sondai-aq, múgedek balalardy tárbielep otyrǵan ata-analar arasynda jumys oryndaryn qurý úshin birlestik «Sheber Ana» kádesyi buiymdarynyń tigin tsehyn jáne aǵash buiymdaryn óndirý tsehyn ashty.
«Múgedektigi bar adamdar úshin inkliýzivti týrizmdi damytý óte mańyzdy. Olarǵa jaǵdai jasap, tolyqqandy ómir súrýge, fizikalyq jáne psihikalyq damýǵa, oqýǵa, jumys isteýge, saiahattaýǵa jáne mádeni kóńil kóterýge múmkindik berilýi kerek. Týrizm qadir-qasietin joǵaltý, kemshilik sezimderin joiady, qarttar men múgedektigi bar adamdardy qoǵamǵa integratsiialaýǵa kómektesedi. Qoljetimdi týrizm – bul ońaltý jáne týristik nysandardyń básekege qabilettiligin arttyrý quraly», –dep atap ótti «Batyr» QB basshysy Aigúl Bolatova.
Aigúldiń aitýynsha, Qazaqstanda týrizmniń qoljetimdilik deńgeii áli de tómen. Sondyqtan ony arttyrý úshin atalǵan joba sharalar keshenimen qoldanýda. Batyr múgedektigi adamdarmen jumys isteý boiynsha týristik nysandarmen konsýltatsiialar ótkizedi, olardyń qyzmetkerlerine arnalǵan nusqaýlyqtar men usynymdar, sondai-aq inkliýzivti týrizm týraly úlestirme materialdar ázirleidi. Sonymen qatar, uiym týristik nysandardyń qol jetimdiligin baǵalaýdy júrgizgisi keledi.
Jobanyń mańyzdy quramdas bóligi inkliýzivti ekskýrsiialar bolyp tabylady. Olar basqa kez-kelgen týrlarǵa kiretin birdei komponentterdi qamtidy (turýdy, tamaqtanýdy, ekskýrsiialyq kólikti uiymdastyrý, baǵdarlamany ázirleý, gidterdi daiyndaý), biraq múgedektigi bar adamdardyń qajettilikterine beiimdelgen. Bundai qajettilikterge úlken esikteri, qajetti tutqalar men «edenge tirelgen» dýshy bar keń qonaqúi bólmeleri, lifti nemese pandýsy bar ekskýrsiialyq kólik, arnaiy dárethanasy bar qoljetimdi nysandar kiredi. Mundai týrlardaǵy gidter obektilerdiń qol jetimdiligi týraly ózekti aqparatqa ie jáne kútpegen jaǵdaida beiimdene alady.
Batyr alǵashqy bir kúndik inkliýzivti týrdy 2023 jylǵy 22-24 mamyr aralyǵynda Aqmola oblysynyń qoljetimdi orta boiynsha jaǵdailar jasalǵan «Zolotoi fazan» jáne «Fazenda» demalys aimaqtarynda ótkizdi. Týrǵa 60 adam qatysty: túrli sanattaǵy múgedektigi bar adamdar, olardyń kómekshileri jáne volonter ekskýrsiia jetekshileri. Olar ekzotikalyq janýarlarǵa arnalǵan shaǵyn haiýanattar baǵyna, jylytylatyn jabyq basseinge, ippodromǵa, sý trenińine, pirándik keskindeme boiynsha master-klassqa, tabiǵattaǵy sensorlyq terapiia jáne kanisterapiia seanstaryna bardy.
«Týrmarshrýttardy ótkizý nátijesinde balalar men ata-analar óte riza bolyp, pozitivti emotsiialar men keremet áser aldy. Ata-analar alǵystaryn bildirip, olar árqashan bizdiń qalalarymyzdyń kóshelerimen júrýdi, el ishinde saiahattaýdy jáne sonymen birge olar qalaǵan jerde ózderin jaily sezinýdi qalaitynyn atap ótti», – dep bólisti Aigúl.
Kelesi týrlar maýsym jáne shilde ailarynda josparlanǵan, olar Býrabai ulttyq parkinde, Zerendi aýdanynda jáne Qosshy qalasynda ótedi. Týrlar men barlyq qajetti aqparatty Batyrdyń Instagram paraqshasynan tabýǵa bolady.
