Elordadaǵy sýpermarketterdiń birinde ákki ury qolyndaǵy sábiin paidalanyp, sýpermarketten qymbat ishimdik urlady. Bul týraly Nur-Sultan qalasy Politsiia departamentiniń baspasóz qyzmetinen málim etti, dep habarlaidy QazAqparat tilshisi.
«Sýpermarkettiń saýda zalyndaǵy beinebaqylaý kameralaryna qymbat alkogoldi urlaý faktisi tirkeldi. Kadrda jas balasy bar áieldiń sóredegi viski qoraptaryn ashqanyn kórýge bolady. Shólmekti kassadan kedergisiz alyp ótý úshin ol qorǵanys trekerin tispen alyp tastamaq bolǵan. «Chivas» markaly viski magnitten ajyratylǵan soń kúdikti kúrteshege jasyrǵan shólmekti balasymen kólegeilep, kassadan shyǵyp ketken», - dep jazady departamenttiń baspasóz qymeti.
Jedel-izdestirý kezinde politsiia qyzmetkerleri buryn birneshe ret sottalǵan 24 jastaǵy astanalyq áieldi ustady.
«Áiel politsiianyń nazaryna 2016 jyly iligip, birneshe ret urlyq pen alaiaqtyq baptary boiynsha sottalǵan. Qazir atalǵan fakti boiynsha sotqa deiingi tergeý amaldary júrgizilýde. Kúdikti óz kinásin moiyndady. Endi onyń elorda aýmaǵynda tirkelgen osyǵan uqsas qylmystarǵa qatystylyǵy tekserilýde.
Nur-Sultan qalasynyń Politsiia departamenti saýda oryndarynyń ielerine qyraǵy bolýǵa keńes beredi. Taýarlardyń qaýipsizdigin qamtamasyz etý úshin elektrondy qorǵanys júielerinen basqa, beinebaqylaý júielerin ornatý qajet» - dep jazady vedomstvodan.
