ەلورداداعى سۋپەرماركەتتەردٸڭ بٸرٸندە ەككٸ ۇرى قولىنداعى سەبيٸن پايدالانىپ, سۋپەرماركەتتەن قىمبات ٸشٸمدٸك ۇرلادى. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات تٸلشٸسٸ.
«سۋپەرماركەتتٸڭ ساۋدا زالىنداعى بەينەباقىلاۋ كامەرالارىنا قىمبات الكوگولدٸ ۇرلاۋ فاكتٸسٸ تٸركەلدٸ. كادردا جاس بالاسى بار ەيەلدٸڭ سٶرەدەگٸ ۆيسكي قوراپتارىن اشقانىن كٶرۋگە بولادى. شٶلمەكتٸ كاسسادان كەدەرگٸسٸز الىپ ٶتۋ ٷشٸن ول قورعانىس ترەكەرٸن تٸسپەن الىپ تاستاماق بولعان. «چيۆاس» ماركالى ۆيسكي ماگنيتتەن اجىراتىلعان سوڭ كٷدٸكتٸ كٷرتەشەگە جاسىرعان شٶلمەكتٸ بالاسىمەن كٶلەگەيلەپ, كاسسادان شىعىپ كەتكەن», - دەپ جازادى دەپارتامەنتتٸڭ باسپاسٶز قىمەتٸ.
جەدەل-ٸزدەستٸرۋ كەزٸندە پوليتسييا قىزمەتكەرلەرٸ بۇرىن بٸرنەشە رەت سوتتالعان 24 جاستاعى استانالىق ەيەلدٸ ۇستادى.
«ەيەل پوليتسييانىڭ نازارىنا 2016 جىلى ٸلٸگٸپ, بٸرنەشە رەت ۇرلىق پەن الاياقتىق باپتارى بويىنشا سوتتالعان. قازٸر اتالعان فاكتٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. كٷدٸكتٸ ٶز كٸنەسٸن مويىندادى. ەندٸ ونىڭ ەلوردا اۋماعىندا تٸركەلگەن وسىعان ۇقساس قىلمىستارعا قاتىستىلىعى تەكسەرٸلۋدە.
نۇر-سۇلتان قالاسىنىڭ پوليتسييا دەپارتامەنتٸ ساۋدا ورىندارىنىڭ يەلەرٸنە قىراعى بولۋعا كەڭەس بەرەدٸ. تاۋارلاردىڭ قاۋٸپسٸزدٸگٸن قامتاماسىز ەتۋ ٷشٸن ەلەكتروندى قورعانىس جٷيەلەرٸنەن باسقا, بەينەباقىلاۋ جٷيەلەرٸن ورناتۋ قاجەت» - دەپ جازادى ۆەدومستۆودان.
