Ár jyldardaǵy Qazaqstan jaiynda jazylǵan kitaptardy Niý-Iorktegi Kolýmbiia ýniversitetiniń kóne kitaphanasynan oqýǵa bolady. Bul jaiynda Facebook-tegi paraqshasynda Qazaqstannyń BUU-daǵy turaqty ókildiginiń keńesshisi Ánýar Jainaqov málim etti, dep habarlaidy "Ult aqparat".
«Qazaq SSR ǵylym akademiiasynyń habarlary» (1959), «Kazahstan v period Velikoi Otechestvennoi voiny Sovetskogo soiýza 1941-1945» (1964), «Batyr Syrym» (1947) – ártúrli jyldardaǵy Qazaqstan men qazaqtar jaiynda osy jáne basqa da kitaptar dy Niý-Iorktegi Kolýmbiia ýniversitetiniń kóne kitaphanasynan kezdeisoq kórip qaldym. Alaida bárinen de britandyq ofitser men barlaýshy Ralf Kobboldtyń qazaq dalasyna, Almaty (sol kezdegi Vernyi) qalasy men Balqash kóline jasaǵan saiahatynyń sýretteri men kartalary qyzyq bolyp shyqty.
«INNERMOST ASIA - Travels and Sport in the Pamirs» atty bul kitap Niý-Iorkte 1900 jyly basylyp shyqqan. Avtor 19-20 ǵasyrlar aralyǵyndaǵy Almaty qalasyn, jergilikti turǵyndar «Teńiz» dep atap ketken Balqash kólin, tipti sol kezderde meken etken turan jolbarysyna ańshylyqqa shyqqanyn qyzyqty etip sipattap bergen. Sondai-aq, britandyq Ile ózeni janynda ózderin arǵyn dep ataǵan kóshpendilermen kezdeskenin jáne t.b. jaiynda aitady. Kitaptardyń basym kópshiliginde «Anonimdi túrde berilgen» degen belgi bar.
