Vitoriia Býenonyń anasy ony alǵash ret balet synybyna aparǵan kezde bes jasar qyzy bidi alyp kete alar ma dep qatty ýaiymdaǵan. Bul týraly Reuters agenttigi habarlady.
Qolsyz dúniege kelgen Býenonyń bishi bolý armany esh oryndalmaityndai kórindi. Ásirese, Braziliianyń aýyldyq jerinde turatyn Vitoriiaǵa bul múmkin emestei edi.
Biraq qazir 16 jastaǵy ol óziniń týǵan qalasy Minas-Jeraistaǵy balet akademiiasyna únemi baryp turady. Býenonyń talanty ony áleýmettik jeliniń juldyzy etti jáne kóptegen adamnyń shabytyn oiatty.
Jasyl men aq tústiń úilesiminde óz áriptesterimen birge sahnamen tutasyp ketkendei bilegen ony kórgende, eshkimniń qolsyz dep oilamasy anyq.
«Maǵan tipti olar múldem qajet emes siiaqty», - deidi ol.
Vitoria fizioterapevtiń keńesi boiynsha baletpen ainalysa bastady, al ol jas Býenonyń bige ikemi baryn baiqaǵan.
Instagram-da 150 000-nan astam jazylýshysy bar (@vihb_bailarina) Býeno basqalarǵa úlgi bolýǵa tyrysady.
«Bizdiń múmkindigimiz kóp. Shekteýlerimizdi jeńip, óz armanymyzdy oryndaýymyz kerek», - deidi ol.
