Kólsai men Qaiyńdy kólderi demalys kúnderine jabylmaityn boldy, dep habarlaidy "Ult aqparat".
«29-31 tamyz aralyǵynda Almaty oblysy Kegen aýdanynyń «Kólsai kólderi MUTP» RMM aýmaǵynda qatań shekteý sharalary engiziletin bolady. Demalys aimaǵyna kelgen qonaqtardyń kóp shoǵyrlanbaýy maqsatynda aýdan ákimdiginiń janyndaǵy monitoring toby jáne eriktiler birlesip, kelýshilerde betperdeleriniń bolýyn, sondai-aq áleýmettik qashyqtyń saqtalýyn qadaǵalaityn bolady. Sonymen qatar, týriste betperde bolmaǵan jaǵdaida, eriktiler olardy tegin taratýdy josparlap otyr», - delingen Kegen aýdandyq Taýarlarmen kórsetiletin qyzmetterdiń sapasy men qaýipsizdigin baqylaý basqarmasynyń resmi habarlamasynda.
Esterińizge sala keteiik, buǵan deiin osy aýdannyń bas sanitariialyq dárigeriniń atalǵan demalys oryndarynyń dál demalys kúnderi jumysyn toqtatý jóninde shyǵarǵan qaýlysyn jariialaǵan bolatynbyz. Ne sebepti qaýlyny qaita ózgertkeni belgisiz.
