Parlament Májilisiniń jalpy otyrysynda «Qazaqstan Respýblikasynyń keibir zańnamalyq aktilerine Qazaqstanda mikroqarjylyq jáne kollektorlyq qyzmetti retteý máseleleri boiynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaidy QazAqparat.
«Ózderińiz bilesizder, el Prezidenti tapsyrmasymen halyqtyń áleýmettik osal toptary úshin qaryz júktemesin azaitý boiynsha teńdessiz qadamdar júzege asyryldy. Osy oraida tiisti sharalar qoldanylyp, tutynýshylyq nesieleý naryǵyndaǵy táýekelderdi tómendetýge jaǵdai jasaldy. Degenmen bul salada problemalar áli de bar. Bul jaiynda Memleket basshysy biylǵy qyrkúiekte jariialaǵan Joldaýynda aitqan bolatyn», - dedi Májilis depýtaty Albert Raý.
Birinshi kredittik biýronyń málimetinshe, 2020 jylǵy 1 qarashadaǵy jaǵdai boiynsha miroqarjy uiymdarynda mikronesieler 170 myń kásipkerge jáne 810 myń jeke tulǵaǵa tiesili. Jekelegen nesieler boiynsha qaryz alýshylardyń 38 paiyzy tólem merzimin ótkizip alǵan, osy oraida 300 myńǵa jýyq adam qamtylǵan.
«Azamattardy qorǵaýdyń qosymsha tetikterin engizý maqsatynda depýtattar mikroqarjylyq jáne kollektorlyq qyzmetti retteý boiynsha zań jobasyn ázirledi», - dedi depýtat.
Zań jobasynda kollektorlyq agenttikter jaýapkershiligin arttyrý qarastyrylǵan. Bul agenttikterge talaptardy qaita qaraýǵa olardyń qyzmetine qatysty shaǵymdardyń kóp bolýy sebep.
