«Tutynýshylardyń quqyqtaryn qorǵaý týraly» Zańda májbúrli assortimentpen taýarlardy satýǵa tyiym salynǵan jáne bul ahýal tutynýshylar quqyǵyn qorǵaý organdarynyń aralasýyna negiz bolady, dep habarlaidy QazAqparat.
«Eger mundai áreketter osy jabdyqty jetkizýshi basqa da naryq sýbektilerine zalal keltirse nemese zalal keltirýi múmkin bolsa, bul monopoliiaǵa qarsy zańnamanyń buzylýy bolyp sanalady. Jeńildetilgen nesiemen kólik alý barysynda osyndai quqyzbuzýshylyq jasaǵan avtodiler 200-den 1500 AEK-ke deiingi, iaǵni 4 mln 770 myń teńgege deiingi somada aiyppul túrindegi ákimshilik jaýapkershilikke tartylýy múmkin. Nemese sýbektini naryqta ústem retinde tanyǵany úshin monopoliialyq kirisi tárkilenip, tabysynyń (túsimniń) 3-ten 5 %-na deiingi mólsherinde ainalym aiyppulyna ákep soǵady», - dep jazdy Básekelestikti qorǵaý jáne damytý agenttiginen.
Monopoliiaǵa qarsy organ avtodilerlerge tutynýshylarǵa qosymsha jabdyqtardy qosa satý derekterine jol bermeýdi eskertedi. Qazirgi tańda jeńil avtomobilderdi bastapqy bólshek saýdada ótkizý naryǵyn taldaý sharalary bastalyp ketti.
Avtomobilderdi satý kezinde qosymsha jabdyqtardy kúshtep tańý faktileri oryn alǵan jaǵdaida, tutynýshylardyń quqyqtaryn qorǵaý jáne monopoliiaǵa qarsy organdarǵa júginý kerek.
