Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Ekonomika jáne biznes

Kólikter qymbattaityny sózsiz - "Astana Motors"

Ult portaly
Kólikter qymbattaityny sózsiz - "Astana Motors"

Illiýstratsiialyq foto: elements.envato.com

Qazaqstanda jańa kólikter sózsiz qymbattaidy. Ol BMW, Hyundai, Subaru, Jaguar, Land Rover, Volvo, MINI, Haval jáne Chery kólikterine áser etedi. Bul týraly osy kólik markalaryn elimizge resmi túrde ákeletin "Astana Motors" kompaniiasy bergen jaýapta aityldy, - dep habarlaidy Tengrinews.kz tilshisi.

Kompaniianyń baspasóz qyzmeti málimetinshe, biyldyń ózinde osy markadaǵy kólikter baǵasy ortasha eseppen segiz paiyzǵa kóterilgen. "Astana Motors" kompaniiasy málimetine súiensek, buǵan aqpan-naýryzdaǵy valiýta baǵamynyń ózgerýi sebep bolǵan.

"Hyundai avtokólikteri baǵasynyń ósýin baqylaýda ustai aldyq. Biraq quramdas bólikterdiń jańa baǵammen jetkizilýi jáne logistikalyq tarifterdiń ózgerýine bailanysty sáýirdiń basynan beri keibir úlgiler baǵasy ózgerdi. Almatydaǵy Hyundai Trans Kazakhstan zaýytynda qurastyrylatyn Hyundai kólikteriniń burynǵy baǵasyn saqtai aldyq.

Alaida, bul kólikter qymbattaityny sózsiz. Óitkeni biz bólshekter, bolat jáne logistika baǵasyna táýeldimiz. Olardyń jańa jetkizilimderi jańa baǵamen keledi, sáikesinshe, bul avtomobil qunyna áser etedi. Valiýta baǵamynyń aýytqýy, sondai-aq bolat, quraýyshtar jáne logistikanyń qymbattaýynan bólek, avtomobilder qunyna modelder men optsiialar jiyntyǵynyń jańartylýy áser etýi múmkin", - deidi "Astana Motors" ókilderi.

Kompaniia Reseige qarsy sanktsiialar olardyń jumysyna áser etpegenin atap ótti. Biraq "Astana Motors" kólikterdiń 50 paiyzyna jýyǵyn Resei arqyly tranzitpen ákeledi.

"Búginde avtokólikterdi, quraýyshtar jáne qosalqy bólshekterdi jetkizýde eshqandai ózgeris joq. "Astana Motors" quramyna kiretin kompaniialar ádettegidei jumys isteidi. Klientterdiń kútý ýaqyty jańa kólikterdiń belgili bir úlgileri men markalaryna bailanysty. Biraq ortasha alǵanda kompaniia salondarynda avtokólik bolsa, ótinish bergennen keiin eki ai kútý kerek", - dep qosty uiymnyń baspasóz qyzmeti ókilderi.

Búginde "Astana Motors" avtosalondarynda Chery markaly kólikter, Hyundai jáne BMW kólikteriniń keibir úlgileri bar. Sondai-aq, jaqyn kúnderi kompaniia Haval avtokólikteri jetkiziletinin aitty.

Kásiporyn Qazaqstandaǵy avtosalondarǵa kólikterdi Germaniia, Ońtústik Koreia, Japoniia, Resei jáne Qytaidan ákeledi. Sondai-aq, osy elderden Hyundai Trans Kazakhstan jáne kommertsiialyq kólikter shyǵaratyn Hyundai Trans Almaty zaýyttaryna quramdas bólshekter jetkiziledi.

Oqi otyryńyz