Kóliktegi bas memlekettik sanitarlyq dáriger Sádýaqas Baiǵabylov áleýmettik jeli men WhatsApp messendjerinde poiyz jolaýshylaryna qatysty jalǵan aqparat tarap jatqanyn aitty, dep habarlaidy "Ult aqparat".
Kóliktegi bas memlekettik sanitarlyq dárigerdiń 2020 jyldyń 14 sáýirindegi № 9 «Qazaqstan Respýblikasynda turaqty ishki temirjol qatynastary qalpyna keltirilgen kezdegi sanitarlyq-karantindik baqylaý týraly» qaýlysyna sáikes, temirjol poiyzdarynyń jolserikteri jolaýshylar arasynda saýalnama júrgizedi.
Saýalnama júrgizý maqsaty – temirjol qatynasynyń jolaýshylary arasynda koronavirýs infektsiiasy tirkelgen jaǵdaida olarmen bailanysta bolǵan adamdarǵa qatysty epidemiiaǵa qarsy shara júrgizý.
«Áleýmettik jeli men messendjerlerde (Facebook, WhatsApp, Instagram) tarap jatqan temirjol qatynasy kezinde jolaýshylar arasynda saýalnama toltyrý arqyly koronavirýs infektsiiasyna (COVID-19) qarsy chipteýge óz kelisimińdi berý degen aqparat – jalǵan», - dep atap ótti Sádýaqas Baiǵabylov.
Aita keteiik, BAQ betterinde, internet resýrstarda, portaldarda kórineý jalǵan aqparat taratýshylar QR Ákimshilik kodeksiniń 456-1-baby 2-bóligine sáikes ákimshilik jaýapqa tartylady. Atalǵan fakti boiynsha materialdar quqyq qorǵaý organdaryna berilgen.
