Almatyda eregesken qarsylastaryn kólikpen qasaqana qaqqan aǵaiyndylarǵa qatysty sot úkimi shyqty. Sot otyrysy Almaty qylmystyq ister jónindegi mamandandyrylǵan aýdanaralyq sotynda ótti, dep habarlaidy "Ult aqparat".
Sýdia Jandos Álikeevti – 4 jyl 8 aiǵa, Dinmuhammed Álikeevti 11 jyl 3 aiǵa bas bostandyǵynan aiyrý týraly úkim shyǵardy. Sot úkimi zańdy kúshine engen joq.
Esterińizge salaiyq, 2019 jyldyń 26 tamyzynda tańǵy saǵat 5-te Almaty qalasy Bostandyq aýdany Gagarin kóshesinde bolǵan kikiljińnen keiin bir taraptyń ókilderi qarsylastaryn avtomobilmen qaǵyp, qylmys ornynan qashyp ketken. Oqiǵanyń videosy áleýmettik jelide taraǵan bolatyn.
Keiinnen politsiia adamdardy qaqqan kólikterdi taýyp, tárkiledi. Eki kólik aiǵaq retinde QR QK-niń 24-baby 3-bóligi jáne 99-babynyń 2-bóligi boiynsha qozǵalǵan qylmystyq iske tirkeldi.
Sodan keiin, kúdiktilerdiń aǵaiyndy ekeni anyqtaldy. Olardyń anasy uldarynyń mundai qadamǵa ózderin qorǵaý úshin barǵanyn alǵa tartty.
Politsiia 27 tamyzda 1995 jyly týǵan Jandos Álikeevti ustady. Al ekinshi kúdikti 16 qyrkúiek kúni ustaldy. Ol Almaty oblysynyń aýmaǵynda politsiiadan jasyrynyp júrgen.
