Memlekettik kirister komiteti kólik salyǵyna qatysty eń kóp qoilytany basty 8 suraqqa jaýap berdi, dep habarlaidy "Ult aqparat" vedomstvonyń baspasóz qyzmetine silteme jasap.
Memlekettik kirister komitetiniń Bailanys ortalyǵyna 1414 nómirine jii qoiylatyn suraqtar 2020 jyl úshin jeke tulǵanyń kóligine salynatyn salyqqa bailanysty. Onyń merzimi - aǵymdaǵy jyldyń 1 sáýirinen keshiktirilmeýi tiis. Osyǵan bailanysty nazarlaryńyzǵa máseleni tez sheshýge kómektesetin TOP-8 suraqtyń jaýabyn usynamyz.
№1-suraq
Eger men kólikti senimhat boiynsha satsam, salyqty men tóleimin be, álde avtokóliktiń naqty paidalanýshysy tólei me?
Jaýap:
Salyq kodeksine sáikes salyq tóleýshi bolyp kólik quralyna menshik quqyǵy tirkelgen jeke tulǵa. Osylaisha, tóleýshi Siz bolasyz, óitkeni kólik quraly Sizge tiesili. Naqty paidalanýshy Sizdiń atyńyzdan osy kólik quralyna salyq tólei alady (jiberiletin tólemde kólik iesiniń JSN jáne T.Á.J kórsetilýi qajet).
№2-suraq
«Kaspi Bank» AQ mobildi qosymshasynda basqa jeke tulǵalar boiynsha kólik salyǵynyń somasy týraly habarlama keldi.
Jaýap:
Ótken jyly sizdiń mobildi qosymshańyzdy paidalanyp, úshinshi tulǵalarǵa salyq tólengendikten, paidalanýshyǵa osy úshinshi tulǵaǵa habarlama jiberildi (JSN kórsetilgen). Osylaisha, biz sizge bul eskertýdi elemeýge jáne bul tulǵa úshin tólem jasamaýǵa keńes beremiz.
№3-suraq
Jubaiy kúieýi úshin salyq tóledi, alaida kúieýine kólik salyǵy úshin qaryz keldi.
Jaýap:
Salyq kodeksine sáikes salyq tóleýshi bolyp kólik quralyna menshik quqyǵy tirkelgen jeke tulǵa bolyp tabylady. Bul jaǵdaida kúieýi salyq tóleýshi bolyp tabylady, óitkeni kólik quraly kúieýine tiesili nemese jubaiy joldasynyń atynan osy kólik quralyna salyq tólei alady (jiberiletin tólemde kólik iesiniń JSN jáne T.Á.J kórsetilýi qajet).
№4-suraq
Eger avtokólik birneshe jyl buryn satylsa jáne oǵan salyq qazir ǵana paida bolsa ne isteý kerek?
Jaýap:
Kólik quraldary salyǵy Qazaqstan Respýblikasynyń Ishki ister ministrligi Ákimshilik politsiia komitetiniń ortalyq derekter bazasy málimetteriniń negizinde esepteledi.
Eger ýákiletti organnyń málimetteri boiynsha kólik quraly esepte turǵan jaǵdaida, salyq organdary osyndai kólik quraly boiynsha salyqty esepteýge mindetti.
Kólik quralyn esepten shyǵarý úshin mamandandyrylǵan HQKO nemese HQKO júginý qajet. Bul rette, tirkeý esebinen shyǵarý kúnine deiin eseptelgen bereshek pen salyq somasyn tóleý qajet.
№5-suraq
Avtokólik 2016 jyldyń mamyr aiynan bastap urlaý faktisi boiynsha izdeýde. Men salyq tóleýim kerek pe?
Jaýap:
Izdestirýdegi kólik quralyn izdestirý kezeńinde salyq tóleýden bosatý úshin kólik quraldaryn tirkeý salasyndaǵy ýákiletti memlekettik organ salyq organdary usynatyn qylmystyq is qozǵaý faktisin (kúnin) rastaityn málimetter negiz bolyp tabylady.
Mundai salyqty esepteý qylmystyq is qozǵalǵan kúnnen bastap toqtatylady jáne kólik quralyn aidap áketý jáne ony qaitarý týraly qylmystyq is toqtatylǵan kúnnen bastap qaita bastalady.
Joǵaryda aitylǵandardy eskere otyryp, Siz tiisti qylmystyq is qozǵalǵan kúnnen bastap izdestirý kezeńinde kólik quraldary salyǵyn tóleýshi bolyp tabylmaisyz.
№6-suraq
Kólik jol oqiǵasynan keiin, jaramsyz kúide jáne paidalanylmaidy, osy avtokólik úshin kólik salyǵyn tóleý kerek pe?
Jaýap:
Iá, salyq tólenýi kerek, ázirge kóliktiń iesi bar jáne kólik jol politsiiasy organdarynda tirkeý esebinde tur. Osyndai kólik quraly boiynsha salyq mindettemesin oryndaýdy toqtatý úshin ony tirkeýden shyǵarý qajet.
№7-suraq
Kólik salyǵy boiynsha qaryz keldi. Kólik 2020 jyly satyldy jáne salyq esepten shyǵarylǵan kezde tólendi.
Jaýap:
Salyq organynyń barlyq esepteýleri jáne tólengen salyq somalary salyq tóleýshiniń derbes shotynda kórsetiledi.
Sonymen birge, is júzinde azamattar kólik quralyn ielenýdiń sońǵy jyly úshin salyq tóleitin jaǵdailar jii týyndaidy, degenmen is júzinde olar aldyńǵy kezeńder úshin qaryzdaryn óteidi. Osylaisha, is júzinde olar ótken kezeńder úshin salyq bereshegin tóleidi, al aǵymdaǵy jylǵa salyq tólenbeidi. Osyǵan bailanysty, kelesi jylǵy kólik quralyn esepten shyǵarǵanǵa deiin onyń naqty ielený kezeńi úshin salyq somasy keledi. Osylaisha, qaryz týraly aqparat alǵan jaǵdaida, Siz salyq bereshegin tóleýińiz qajet.
№8-suraq
2020 jyly shetelden kólemi 5700 tekshe santimetr «Leksýs 570» avtokóligi ákelindi jáne esepke qoiyldy. Salyq organynda 500 myń teńgeden artyq salyq somasy eseptelindi. Nelikten salyq somasy mundai úlken?
Jaýap:
Qazaqstan Respýblikasynda 2013 jylǵy 31 jeltoqsannan keiin shyǵarylǵan (jasalǵan nemese qurastyrylǵan) nemese Qazaqstan Respýblikasynyń aýmaǵyna 2013 jylǵy 31 jeltoqsannan keiin ákelingen, qozǵaltqyshynyń kólemi 3000 tekshe santimetrden asatyn jeńil avtomobilder úshin Salyq kodeksiniń 492-babynyń 2-tarmaǵyna sáikes joǵary stavka boiynsha esepteledi.
Osylaisha, sizdiń jaǵdaida sizdiń kóligińizdiń bastapqy tirkeý kúni – 2020 jyl, iaǵni 2013 jyldyń 31 jeltoqsanynan keiin, salyq sáikesinshe joǵary mólsherlememen esepteledi.
