Qaraǵandy oblystyq tabiǵatty qorǵaý politsiiasy kóliginde kiik etin tasymaldap bara jatqan azamatty ustady, dep habarlaidy QazAqparat tilshisi.
5 tamyzda tabiǵatty qorǵaý politsiiasy zańsyz kiik aýlaýdyń aldyn alý jáne jolyn kesý boiynsha júrgizilgen is-sharalar barysynda «Jezqazǵan-Esil-Petropavl» tas jolynyń boiynda Sátbaev qalasynyń aýmaǵynda Qaraǵandy qalasynyń 47 jasar turǵynynyń basqarýyndaǵy «Taiota-Siýrf» avtokóligin toqtatty.
«Kólikke júrgizilgen tekseris jumystary barysynda avtokóliktiń júk salǵyshynan 2 paketke oralǵan et tárkilendi. Kólik júrgizýshisi tabylǵan ettiń kiik eti ekenin jáne ony belgisiz azamattan satyp alǵandyǵy týraly túsinikteme berdi», - dep málimdedi Qaraǵandy oblystyq PD baspasóz qyzmetinde.
Atalǵan derek boiynsha QR Qylmystyq kodeksiniń 339-baby (Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) boiynsha qylmystyq is qozǵady. Qazirgi ýaqytta politsiia qyzmetkerleri tiisti saraptama taǵaiyndap, tergeý amaldaryn júrgizýde.
