Foto: © Sputnik
Bas prokýrordyń orynbasary Áset Shyndaliev Astana men Almatynyń eks-ákimderine qatysty qandai da bir qylmystyq is qozǵalmaǵanyn málimdedi, dep habarlaidy Sputnik Qazaqstan.
Búgin senat otyrysynan keiin jýrnalister bas prokýrordyń orynbasarynan Altai Kólginov pen Baýyrjan Baibekke qatysty qylmystyq istiń bar-joǵyn surady. Shyndalievtiń aitýynsha, ondai tergeý tirkelmegen.
"Astananyń eks-ákimine qatysty qandai bir tekseris nemese sotqa deiingi tergeý týraly mende eshqandai aqparat joq", - dedi Shyndaliev.
Al tilshiler: "Sonda eshqandai qylmystyq is joq qoi?", - dep taǵy naqtylap surady. Oǵan Bas prokýrordyń orynbasary "Mende ondai aqparat joq" degen qysqa ǵana jaýap qaiyrdy.
"Baibek boiynsha da qandai bir tekseris nemese sotqa deiingi tergeý sharalary týraly aqparat túspedi. Qaida júrgenin de bilmeimin", - dep túiindedi ol.
