Elordanyń jańa ákimi Altai Kólginov kópbalaly analardyń máselesin sheshý úshin qandai sharalar qabyldanyp jatqanyn aitty, dep habarlaidy Sputnik Qazaqstan.
Nur-Sultan ákiminiń aitýynsha, búginde kópbalaly analardyń áleýmettik jaǵdaiyn jaqsartý úshin tiisti jumystar júrgizilip jatyr.
"Jumys bastaldy. Bizde 17 myńnan astam kópbalaly ana bar. Qazirgi tańda olarǵa áleýmettik qoldaý kórsetilip jatyr. Munda ártúrli másele bar. Mysaly, turǵyn úi máselesi. Ony kezekpen sheshemiz nemese arnaiy baǵdarlama jasaimyz. Jaqyn arada jumys istei bastaidy", - dedi Kólginov tilshilerge.
Osy oraida jańa ákim kópbalaly analarǵa jumys taýyp bergisi keletinin atap ótti.
"Bizdiń negizgi maqsatymyz – kópbalaly analardy jumysqa ornalastyrý. Qajetti qoldaý bar", - dedi qala basshysy.
Altai Kólginov jýrnalisterdiń "kópbalaly analardyń máselesin sheshý úshin Baqyt Sultanovpen aqyldastyńyz ba?" degen suraǵyna jaýap berdi.
"Árine, ol kisi kóp jumys jasady. Bul jumys ári qarai jalǵasady", - dep elorda ákimi qysqa qaiyrdy.
