Elorda ákimi Altai Kólginov «Nur Otan» partiiasynyń qoǵamdyq qabyldaýynda azamattardy jeke qabyldady, dep habarlaidy "Ult aqparat" qala ákiminiń baspasóz qyzmetine silteme jasap.
Osy jyldyń tamyz aiynda ótken Nur Otan Saiasi keńesiniń keńeitilgen otyrysynda Elbasy halyqpen ózara is-qimyldy kúsheitýdi, atap aitqanda, partiianyń qoǵamdyq qabyldaý bólmeleriniń jumysyn jandandyrýdy tapsyrdy. Memleket basshysy Qasym-Jomart Toqaev «qoǵammen bailanysty nyǵaityp, halyqqa esep berińder» dep tapsyrma berdi.
Osylaisha, turǵyndar meditsinalyq kómek alý, turǵyn úi baǵdarlamalaryna qatysý, qysqy kezeńde kómirmen qamtamasyz etý, jumysqa ornalasý jáne basqa da máseleler boiynsha ótinish bildirdi.
Úsh ai ishinde elorda ákimi 450-den astam adamdy qabyldady. Sondai-aq, azamattardy qabyldaý aýdandyq ákimdikterde jáne «Januia» otbasy institýtyn qoldaý ortalyǵynda ótedi. Jumys ár ótinish boiynsha júrgiziledi, mysaly, ótinish bildirgenderdiń bir bóligi mamandyq alýǵa oqytýdan ótedi, balabaqshalarǵa joldama alady, meditsinalyq kómek alady, turǵyn úi alýǵa kezekte turady.
