Elordada dámhanadaǵy gaz ballony jarylýy saldarynan qaza tapqan qyzdyń otbasyna kómek kórsetiledi. Bul týraly Nur-Sultan qalasynyń ákimi Altai Kólginov Instagram paraqshasynda jazdy, dep habarlaidy "Ult aqparat".
«Gaz ballon jarylǵan kezde bólmede bolǵan qyzdyń otbasy men týystaryna kóńil aitamyn. Marqumnyń otbasyna kómek kórsetiledi. Tótenshe jaǵdaidy tergeý úshin arnaiy komissiia quryldy. Jedel shtab qurylyp, psihologiialyq jáne aqparattyq qoldaý kórsetý úshin 24-51-71, 24-51-47 jedel jelisi quryldy», - dedi elorda ákimi.
Sonymen qatar, qala basshysy Tótenshe jaǵdailar departamenti men Politsiia departamentine qaladaǵy basqa da qoǵamdyq tamaqtaný nysandaryn órt qaýipsizdigi erejeleriniń saqtalýyn tekserýdi tapsyrǵanyn atap ótedi.
Buǵan deiin elordada dámhanalardyń birinde gaz ballony jarylyp, 1 adamnyń qaza tapqanyn habarlaǵan edik.
