Elordada JES-3 qurylysy keler jyly aiaqtalmasa jylý tapshylyǵy bolýy yqtimal. Bul týraly Nur-Sultan qalasynyń ákimi Altai Kólginov aitty, dep habarlaidy QazAqparat.
«Úshinshi jylý elektr stansasyn aiaqtaý syndy júieli máseleler bar. Keler jyly onyń qurylysyn aiaqtamaityn bolsaq, onda taiaý ýaqytta jylý jetispeýshiligine qatysty qiyndyqtar týyndaýy múmkin», - dedi ol Nur-Sultan qalalyq máslihatynyń otyrysynda.
Sonymen qatar qala basshysy sýmen jabdyqtaýǵa qatysty da máselelerdiń bar ekendigin basa aitty.
«Sýǵa qatysty úshinshi sorǵy-súzgi stansasyn salýymyz qajet. Áitpese, taiaý ýaqytta sý tapshylyǵy oryn alady. Buǵan qosa, kárizdik tazartý qurylǵysyn da salýǵa tiispiz. Elordanyń qarqyndy damýyna, halyq, kólik sanynyń ósimine qatysty ózge de problemalardy aitpaǵanda osy úsh másele júieli sipatqa ie bolyp otyr. Árine, munyń barlyq kólik, injenerlik, áleýmettik infraqurylymǵa júkteme túsiredi», - dedi Altai Kólginov.
