Vitse-premer Altai Kólginov bir aida azyq-túlikke qansha shyǵyn ketetinin aitty, - dep habarlaidy "Ult aqparat".
Jýrnalister Úkimettiń keńeitilgen otyrysynyń kýlýarynda Kólginovten ai saiyn azyq-túlikke qansha aqsha jumsaitynyn surady.
"Shamamen 300-350 myń teńge. Azyq-túlikti qala dúkenderinen alamyz. Áielim alady, keide qolym tiip jatsa men alamyn", - dedi ol tilshiler saýalyna jaýap berip.
Sondai-aq, Astananyń eks-ákimi ózine qatysty aitylǵan synǵa qalai qaraitynyn aitty.
"Bilesizder, jumysta syn bolady. Men synǵa obektiv túrde qaraimyn. Biraq atqarylǵan isterdi de joqqa shyǵarýǵa bolmaidy. Birlesken jumysy úshin elordalyqtarǵa alǵys aitamyn, áriptesterime rizamyn. 3,5 jyl, bul ońai jyldar bolmady. Eki jyl pandemiia, 2019 jyly da kóptegen másele boldy, ár jyldyń óz qiyndyqtary bar. Biraq elordalyq ujym (ákimdik – esk.) qoldan kelgenniń bárin jasady dep oilaimyn. Jańa ákimge tek tabys tileimin, astanalyqtarǵa elordamyz dami bersin dep tileimin", - dedi sheneýnik jýrnalister suraǵyna jaýap bere otyryp.
Eske salaiyq, Altai Kólginov jeltoqsanda Premer-ministrdiń orynbasary bolyp taǵaiyndalǵan edi.
